牛牛日式火鍋放題 (海之戀商場) (已結業)

发现自己春夏秋冬无论咩季节都可以打边炉，仲要每次都要拣任食个啲🤩因为咁先食得够尽兴。今次试呢间荃湾嘅牛牛日式火锅放题喺海之恋商场入面，位置十分方便，食完仲可以去Donki买下野添。今次分别试咗两个唔同嘅汤底，泰酸辣虾锅同传统山椒味噌锅。传统山椒味噌锅就会比起泰式酸辣虾和香辣嘅味道重一啲，酸辣虾锅系偏酸小辣，两个汤底味道都好浓郁。佢哋嘅海鲜十分之新鲜，卖相好吸引，令人忍唔住即刻想试！海鲜同汤底嘅味道都好夹，汤底虽然龙尾但系并不会盖过海鲜嘅鲜甜，而且一啲都唔会腥。跟住牛肉方面都有好多唔同嘅位置，咁多款入面最钟意食丹麦王样牛小排，因为自己好钟意食大大块嘅牛肉，而且牛小排嘅肉质比较软腻，啱晒我呢啲食肉兽🤭