影片
更多
2017-10-02
997 浏览
劲钟意食片皮鸭嘅我 ，一听到任何酒楼有片皮鸭卖，就会扑过去试下正唔正！ 今日都唔例外 ，原来西九龙中心煌府呢度有片皮鸭食㗎，仲好近我屋企添， 唔系话唔去试下话(≧∇≦) 位于西九龙中心9楼的煌府婚宴， 原来地方好大，而且装修好靓果然系婚宴专门店！ 一坐低就立即攞个餐牌出嚟，睇下系咪真系有片皮鸭食先！ 原来这里做紧4选1优惠， 可以以特惠的价钱选择片皮鸭或者清蒸一条石斑仔或者盐焗鸡……我当然二话不说就选择了片皮鸭啦！ 其他片皮鸭之外我还选择了晚餐吗宝晚餐孖宝包括了半只烧脆皮鸡和一份上汤龙虾焗伊面， 不过我再加咗30蚊转芝士焗，因为老公钟意食芝士焗，觉得好味啲，加30蚊都ok啦！ 先来的脆皮烧鸡卖相几靓㖞！ 坚系可以睇到个皮烧到好薄好脆咁， 而且个颜色亦都非常之红卜卜好有酱油feel! 套餐原来系半只嘅份量，两个人食就啱啱好喇， 唔使惊会浪费咗！ 果然食嘅时候会听卡刷一声， 烧鸡块皮好似薯片咁脆呀！正到呢！ 而且够晒酱油味 ，完全唔使点酱汁都已经好够味！ 至于鸡肉的肉质都够嫩滑！ 到我期待已久嘅片皮鸭出场喇！ 食片皮鸭就唔系净系食鸭皮，一定要埋其他配套先算完整。 例如有一个蒸笼蒸好
位于西九龙中心9楼的煌府婚宴， 原来地方好大，而且装修好靓果然系婚宴专门店！
一坐低就立即攞个餐牌出嚟，睇下系咪真系有片皮鸭食先！ 原来这里做紧4选1优惠， 可以以特惠的价钱选择片皮鸭或者清蒸一条石斑仔或者盐焗鸡……我当然二话不说就选择了片皮鸭啦！
其他片皮鸭之外我还选择了晚餐吗宝晚餐孖宝包括了半只烧脆皮鸡和一份上汤龙虾焗伊面， 不过我再加咗30蚊转芝士焗，因为老公钟意食芝士焗，觉得好味啲，加30蚊都ok啦！
先来的脆皮烧鸡卖相几靓㖞！ 坚系可以睇到个皮烧到好薄好脆咁， 而且个颜色亦都非常之红卜卜好有酱油feel! 套餐原来系半只嘅份量，两个人食就啱啱好喇， 唔使惊会浪费咗！
果然食嘅时候会听卡刷一声， 烧鸡块皮好似薯片咁脆呀！正到呢！ 而且够晒酱油味 ，完全唔使点酱汁都已经好够味！ 至于鸡肉的肉质都够嫩滑！
到我期待已久嘅片皮鸭出场喇！ 食片皮鸭就唔系净系食鸭皮，一定要埋其他配套先算完整。
例如有一个蒸笼蒸好热辣辣嘅包皮，同青翠的菜例如青瓜用来解下油腻感啦！ 仲有最最最紧要就系个酱！ 我超钟意点好多劲多酱，令到成个鸭好甜好sweet 咁食！
呢度个片皮鸭切得够晒薄，带少少肉，令到个皮有少少质感先系最fit！仲听讲系即叫即片架！ 而且这个包皮还是热辣辣地端出来， 在拿拿林放晒啲配料落去， 又热又软的皮包包住脆卜卜的鸭皮和爽脆的青瓜，yeah,三重口感又有鸭肉香又有酱油甜，超超超好味呀！
香港而家好少酒楼能够食到好食嘅片皮鸭了，唔系有毛就系啲鸭皮一早片好晒，根本唔够脆仲变左韧添！想要块包皮仲热更加系难上加难！估唔到煌府呢度完全满足到我呀！而家只系38蚊就有半只！可以密密来食啦！
最后加芝士焗龙虾伊面都非常之靓仔呀！ 啲芝士汁多到满泻咁制！ 而且足足有一只龙虾嘅分量， 我同老公仔每人可以食到半只唔使争！(≧∇≦)
而且啲龙虾非常之新鲜，食落去真系爽口好弹牙劲鲜甜！而且成个龙虾由钳到脚仔都好细心咁帮我哋卜开晒 ， 食嘅时候只需要将龙虾壳轻轻拆开就可享受到啖啖肉了！
个龙虾伊面超多芝士，每一条都可以挂满芝士汁，真系无得输呀！ 芝士味香浓而且劲creamy 伊面的软硬度亦都恰到好处！
估唔到惊喜真系一浪接一浪 ，最后仲送埋非常清甜嘅桂花糕畀我哋做甜品！
张贴
