影片
更多
2022-08-29
84 浏览
睇左开饭十几年，写既食评唔算多。而上一间衰到我食完即刻要返屋企写食评既餐厅，睇返纪录已经系2014年。我住码头个边，好少过依边食饭 (因为要行得比较远)。本身想去打冷，但经过Second Bite ，记得之前o系D FB饮食 Page见过。望入去餐厅都算多人，装修又靓，食评又多笑笑，谂住试下新野… 临入门口发现落街唔记得带电话，扫唔到安心，重特登跑返屋企攞电话，朋友自己坐底叫左野食先。朋友叫左$388，2人餐，2汤1前菜2主食唔包野饮。————————-🍴返到黎已经上左前菜同汤。前菜白酒忌廉青口，其实我望一眼已经知出事… 手板咁大只青口，一睇就知系个d雪藏巨型又无味个d所谓”青口”，伴碟加d车哩茄同荳苗叶仔🌱，劲系茶餐厅西餐卖相…平时D餐厅会用重口茄汁去掩盖佢D腥味，Second Bite那来的自信用忌廉去煮？？用 Whipped cream都算啦，杰到好似半固体， 重手得黎但竟然盐都唔落多粒！所以碟青口就系又腥，又无味，又杰挞挞劲滞…🍵个汤…红到萤光，有d吓人…味道算系最正常…因为够咸。————————-🐂朋友食牛扒。个扒完完全全系大家乐/茶餐厅早餐个d豉油牛扒，只系大块好多！味道，
我住码头个边，好少过依边食饭 (因为要行得比较远)。本身想去打冷，但经过Second Bite ，记得之前o系D FB饮食 Page见过。望入去餐厅都算多人，装修又靓，食评又多笑笑，谂住试下新野… 临入门口发现落街唔记得带电话，扫唔到安心，重特登跑返屋企攞电话，朋友自己坐底叫左野食先。
朋友叫左$388，2人餐，2汤1前菜2主食唔包野饮。
————————-
6 浏览
0 赞好
0 留言
🍴返到黎已经上左前菜同汤。前菜白酒忌廉青口，其实我望一眼已经知出事… 手板咁大只青口，一睇就知系个d雪藏巨型又无味个d所谓”青口”，伴碟加d车哩茄同荳苗叶仔🌱，劲系茶餐厅西餐卖相…平时D餐厅会用重口茄汁去掩盖佢D腥味，Second Bite那来的自信用忌廉去煮？？用 Whipped cream都算啦，杰到好似半固体， 重手得黎但竟然盐都唔落多粒！所以碟青口就系又腥，又无味，又杰挞挞劲滞…
🍵个汤…红到萤光，有d吓人…味道算系最正常…因为够咸。
————————-
6 浏览
0 赞好
0 留言
🐂朋友食牛扒。个扒完完全全系大家乐/茶餐厅早餐个d豉油牛扒，只系大块好多！味道，就系豉油牛扒既味道…你话好难食咩？其实又唔系，大家乐个牛扒我觉得都好食架？不过可惜我唔是食紧大家乐，我食紧$388个餐，叫依个”牛扒”重要加$38！
————————-
7 浏览
0 赞好
0 留言
🦀然后最后就系我叫既白酒蟹肉意粉…咦？点解又系前菜青口o个个忌廉汁黎？白酒蟹肉意粉唔系透明既咩？白酒汁唔系高汤 + 白酒 做架咩？ 睇返餐牌佢个餐另外两个意粉都系忌廉汁，不得不慨叹做餐厅真系简单，一个whipped cream 就可以包辨餐牌上一半既餐点，全部一样杰挞挞又滞又无味，意粉个汁杰到涸住喉笼差d浊亲，🤚差D举左手点餐饮，然后记起依个餐系$388唔包野饮，默默地收埋返只手…
—————————-
🍴PS#1：Sorry D相影得比较差，唔系固意，只系我食到一半越食越嬲，嬲到我决定要写上openrice所以先影返d相证明我唔系老吹
🍴PS#2：有咩崩溃得过肚饿好想食饭但去到餐厅发现无带电话？？就系你唔听朋友提议叫外卖返去就算，特登来回20分钟跑返屋企攞电话，满心期待点知超难食，重要浪费我宝贵一个钟去写依个食评！！真系超级崩溃🥲🥲
🍴PS#3：劝商家用心做好食物唔好净系识搞广告，红磡黄埔极少其他区街客走过黎，同区有几间差唔多价位嘅西餐厅，食物好过你劲多，但我感觉上佢地都经营得有少少吃力。如果黄埔人唔比 second chance你基本上好快玩完。
系咁。
张贴
