新錦園大排檔

营业中

休息中

一行八人叫左个 $1188/12位生日套餐。葱油鸡，大量䓤加上只鸡都几大只，但肉质好难咬。京都骨，甜甜酸酸好惹味。豉油皇虾，虾都几新鲜但略咸。罗汉斋，好似两𩠌饭d𩠌咁。蒸鱼，时间蒸得啱啱好。西芹鲜鱿，鱿鱼吾少，但冇乜获气。脆皮炸猪手，炸得真系好硬，冻左更加不得了。粟米羹，好大窝，应该最少可以分到廿碗，但好杰好糊。小炒皇，冇试。寿桃包，入边嘅莲蓉甜度适中，好食。加左两罐汽水，埋单$1212/8位，都可以啦，但环境真系好嘈，幸好待应姐姐都相当有礼快手。