鍋霸吃到飽台式養生火鍋 (創興廣場)

营业中

休息中

终于挨到礼拜六放假啦， 即刻约朋友去轻松下，去左创兴广场～锅霸～ 食边炉放题。呢度劲爽，可以由晏昼十二点食到四点半， 虽然话食唔到咁耐但系吹水真系可以吹几个钟，口干又可以出去大大个饮品柜拎嘢饮，好钟意佢哋自家制嘅茶饮品， 黑糖冬瓜柠檬茶、乌梅山楂茶。药膳胡椒猪肚鸡锅，滚咗之后，先饮碗汤再食嫩鸡，成个人即刻暖晒。拣左LV3 套餐，个西班牙伊比利亚黑毛猪好好味，juicy 入口即溶。除咗呢几款肉外，仲有好多配料任点，蔬菜、丸、饺子等，每人仲有一款雪糕或甜筒。成班朋友都钟意食海鲜，梗系加钱食埋，40蚊抵呀，鱼片，蚬同虾我哋都叫咗好多转，蚬肉大粒鲜甜，鱼片嫩滑。小食盐酥鸡&花枝丸，热辣辣好香口，用埋啲调味粉shake下，又有另一番风味。