影片
更多
2023-06-22
1029 浏览
为食日记 #8｜Involtini @铜锣湾｜几年前已久仰 Involtini 大名，试过即兴谂住 Walk-in 上去食个午餐，可惜餐厅已满座无功而返🤣 几年后，撞正朋友生日，正苦恼去边度觅食之际，就谂起佢。今次当然要乖乖订座，兼预先选好甜品写定祝福字句为朋友庆生，一切准备就绪，我个肚 is ready。侍应非常亲切有礼，先向我们简单介绍 Today's Special 并为我们点菜，再奉送配上鲜牛油的烘烤薄脆多士。前菜点了「海鲜他他」，外相吸引味道出色，啖啖鲜蟹肉、带子及虾肉配上鲜甜带酸的特制酱汁，是一碟吃完顿感清新舒畅、感觉很 Summer 的开胃小品。接住重头戏「传统卡邦尼手造意大利幼面」上台，试一口就明白为何这碟意粉能成为皇牌。首先它是原汁原味的真 • 卡邦尼，不是坊间 fusion 了忌廉的港式卡邦尼（嗱…虽然都有好味的），用上口感一流的手造意粉、蛋黄及风干猪面颊肉，浓郁、咸香、幼滑，完全体现咩叫材料简单但其实考验紧厨师真功夫，呢碟，全台人畀 99 分，1 分输畀份量，确实唔算大碟，唔够喉，但 $168 呢个价钱，真心冇得输！紧接出场系「手造意大利幼面配西班牙红虾」，又系另
几年前已久仰 Involtini 大名，试过即兴谂住 Walk-in 上去食个午餐，可惜餐厅已满座无功而返🤣 几年后，撞正朋友生日，正苦恼去边度觅食之际，就谂起佢。今次当然要乖乖订座，兼预先选好甜品写定祝福字句为朋友庆生，一切准备就绪，我个肚 is ready。
侍应非常亲切有礼，先向我们简单介绍 Today's Special 并为我们点菜，再奉送配上鲜牛油的烘烤薄脆多士。前菜点了「海鲜他他」，外相吸引味道出色，啖啖鲜蟹肉、带子及虾肉配上鲜甜带酸的特制酱汁，是一碟吃完顿感清新舒畅、感觉很 Summer 的开胃小品。
海鲜他他
$168
41 浏览
0 赞好
0 留言
接住重头戏「传统卡邦尼手造意大利幼面」上台，试一口就明白为何这碟意粉能成为皇牌。首先它是原汁原味的真 • 卡邦尼，不是坊间 fusion 了忌廉的港式卡邦尼（嗱…虽然都有好味的），用上口感一流的手造意粉、蛋黄及风干猪面颊肉，浓郁、咸香、幼滑，完全体现咩叫材料简单但其实考验紧厨师真功夫，呢碟，全台人畀 99 分，1 分输畀份量，确实唔算大碟，唔够喉，但 $168 呢个价钱，真心冇得输！紧接出场系「手造意大利幼面配西班牙红虾」，又系另一碟每台必点菜式，呢碟意粉都好食，红虾肉质出色烧得惹味，一上台就散发浓郁香气，吸引到唔记得畀相机食先😂，不过相比之下，我们还是更爱卡邦尼（卡邦尼性价比真系赢晒！）
传统卡邦尼手造意大利幼面
$168
54 浏览
0 赞好
0 留言
「Today's Special - 香烤和牛西冷」最后压轴上台，本身对块扒没有太大期望，始终不属 Involtini 最出名的菜式，但试了，吃过一口后，便打倒了几秒前的自己。喂，可以话好食过好多坊间所谓扒房，个人而言，质素高嘅扒根本唔需要咩花巧嘢，简单调味先可以食到块扒本身的原汁原味。呢块扒，所有嘢都做到恰到好处，西冷虽油脂不多，但肉质食落非常幼嫩，扒身煎至微微脆口，外脆内嫩﹐食到停唔到口… 如果排次序，我哋一致都投呢块牛扒做 No. 1，就系好食到咁 😌
Today's Special - 香烤和牛西冷
$368
37 浏览
0 赞好
0 留言
最后想讲，今次餐饭绝对系一个出色嘅 Dining Experience，虽然餐厅唔大，环境亦唔算好舒适，但食物同侍应质素真系好出色，宁愿畀钱食好西，好过畀钱食装修靓 Site（当然环境好系 Bonus，但身为吃货的我，一定系好食行先，认同吗？😜）
张贴
