山牛

营业中

休息中

自从四月尾见到网上介绍呢间烧牛丼，一直都好想试下，因为慈云山真系冇乜好嘢选择，可惜去过两次都冇开门，心谂都唔知搞边科，好在我琴晚唔甘心再去望多次，终于有开！入到去座位唔多，但排队买饭既人龙都几长下，keep住都超过十人以上，见到暂时可以选择既丼饭款唔多，得三种口味，有原味，盐葱，同埋麻辣，我拣咗麻辣中丼再加个炸鸡连汽水套餐，由于人多，都等咗15分钟先可以取餐。个烧牛小排肉质偏肥，但呢个价位嚟讲算系咁，而且牛肉份量都唔算少，香味赢哂，味道偏浓味，但算系好食既，炸鸡炸既火候刚好，肉质嫩滑。希望迟啲款式可以多返啲，因为得三款既话真系好快会闷！