尚夢・茳煳 (已結業)

本身下午放假，谂住食一个悠长嘅午餐，所以拣咗呢度，谂住叹吓茶。点知原来系我误会咗，入到嚟我哋二人被安排坐喺VIP房一张10人长枱嘅一个角落，透明隔板对面仲有两个唔识嘅人。𠮶一刻嘅心情真系唔系太好，因为本身系谂住饮茶咁嘅格局嘅。真系有一刻谂咗走去食其他餐厅，但系唔紧要，试试佢。个Menu嘅午餐其实都好吸引，最后叫咗斑片陈村粉，同埋咕噜肉小菜，再加椒盐豆腐。净系午市套餐有得送汤同饮品，小菜就要另收费用茄饭或者汤。上菜嘅一刻，我对于座位嘅不满已经完全消除，菜式都非常精致，陈村粉又滑又弹牙，斑片都肉质唔错。咕噜肉买相好靓呀，平时嘴尖嘅朋友都觉得个咕噜肉好食，外脆内软，个面仲有少少糖丝咁椒盐豆腐都做得非常好，如果可以饮酒就好啦。叔叔话，如果要坐楼下嘅卡座，或者二人枱， book位嘅时候就要讲埋，而且系先到先得。另外开瓶费佢就话可以买一支free 一支，佢个酒单上边最平嘅都系$2xx ，有得谂。叔叔有耐性又有礼貌，超赞！平时中菜或者饮茶都至少起码食个半钟，但系呢餐只系用咗45分钟咋，如果午餐时间有限制嘅朋友，真系可以考虑呢度。