101手工涮涮鍋 (已結業)

路过尖沙咀， 见到佢有个抵食午餐， 手工涮涮锅 只需要48蚊，可以拣1个汤底，1个面，3个𩠌，一杯嘢饮，仲免收加一，咁吸引一定要试下啦。坐低一人一炉, 填好自己想要嘅组合，唔使五分钟就上炉啦。呢个系蕃茄汤底，拣咗米线，配咗三个𩠌: 就系娃娃菜，q弹手工鱼腐同鸡髀肉，仲有芽菜同粟米系配菜。 侍应教落: 汤滚嘅时候，可以将佢教细火，跟住食面先。 蕃茄汤底好浓， 唔似普通稀汤咁。可惜米线硬咗少少，煲耐啲都唔太淋。 鸡髀肉好好食，佢系三杯鸡嘅调味，煲耐咗仲好淋添跟餐拣左柠檬绿茶，太甜喇，完全唔得