三日月

营业中

休息中

平时好少午餐食铁板烧，不过知道呢间铁板烧嘅午餐定价几抵食，就嚟试吓。讲紧$498嘅餐，可以食到龙虾，性价比都唔错。如果觉得龙虾太过矜贵，纯粹只系想食普通嘅铁板烧，呢度会有个轻食餐，都系$249，就已经有纽西兰西冷牛肉做主菜。仲要星期六日都系做呢个价钱，尖沙咀嚟讲系好抵食！当然龙虾餐就会多啲嘢食啦，而且佢嘅炒饭同轻食餐都会有啲唔同，佢会用咗樱花虾同埋自家制酸梅去炒个饭，炒饭变咗粉红色入口酸酸地，几开胃。另外食完个龙虾之后，虾头会拎去煲个味噌汤，呢个都系轻食餐无嘅。我最欣赏当然系龙虾啦，师傅控制过生熟程度几好，调味简洁，本身个鲜味已经突出。整体食物质素都高，最钟意睇到佢啲师傅整嘢食嘅过程，如果可以记得订吧枱。如果有四至六个人嘅话，我觉得佢嘅包厢都唔错，房间里面有铁板，师傅净系会serve自己枱人，真正VIP房。