贊和豆品

营业中

休息中

除左亚玉满满人龙，其实呢间赞和都一样咁多人，受欢迎程度不相伯仲，但一直都未帮衬过。心血来潮，就即管试下。可能因为开喺亚玉隔离，有兢争先有进步嘛，劈到个价钱咁低。豆腐花不论单并定双并，热定冻都系均一5蚊，老实讲，无论质素系点，都系5蚊鸡。姜汁豆腐花 $5豆花用上比较大嘅碗，唔算好方便立食，但有比战斗碗大嘅错觉(?)豆花例牌加姜汁兼大量黄糖。豆花入口滑溜，同亚玉真系差唔多。但讲到豆味，就以亚玉较为出众啲。5蚊点都系无得弹。芝麻糊豆腐花 $5单点芝麻糊7蚊，并埋豆花都系5蚊。俾我再拣都系净食豆花算。芝麻糊十分滑，亦都有几香芝麻味，唯独是甜左啲，沟埋豆花食会好啲。