OZONE

营业中

休息中

今日黄昏黎到全球最高的天台酒吧，484米高，第118层的Ozone，楼下上去要职员帮你禁Lift先上到去，转一次Lift就黎到。5点钟系落场之后再开门的时间，冇人咁济，咁我地就揾个位坐下，听下音乐，饮下野咁，音乐几好听，有节奏感又唔算太嘈，饮品方面我叫左杯Cocktail，好甜但系好好味，我觉得都算多，唔会好快饮完，佢仲送埋爆谷比我地，不过爆谷好咸下，我谂佢想我地快D口喝可以再叫第二轮饮品。侍应好好人，系一个外国人叫Oliver，佢主动同我地吹下水，可惜我英文就麻麻，虚应之算。出面仲落紧好大雨，我心谂一场黎到冇理由唔影相，于是冒雨冲出去影相，搞到成身湿哂，未日落的景色有云，玻璃有水的关系，唔系好睇到出面有咩，不过由于四面都有玻璃挡住，唔算好大风，后来等到日落雨都停左，开始见到夜景，好似英雄片个类取景咁，最远望到Megabox，维港两岸，连埋尖东都睇到。价钱我觉得有呢个景同埋服务绝对系物超所值，5点至7点未放工倾计系好方便，冇咩人嘈住，临走的时候都开始多人同热闹，有机会一定要再黎。