HeSheEat (THE FOREST)

营业中

休息中

经过Hesheeat，见到餐厅风格改咗，倾向浅色和柔和系，就入去食晚餐。🌱和风大虾牛油果沙律牛油果腍滑，大虾的边微微烧香过，沙律菜较硬，日本萝卜爽脆酸甜很突出，柚子酱酸酸甜甜。🌱单骨鸡翼配蜜糖芥末酱鸡翼炸得香脆可口，里面的肉有少少咸咸地，搽少少蜜糖芥末酱就甜甜地。🌱香煎带子黑松露忌廉烩扁意粉带子煎香过，口感软滑，黑松露酱浓郁，扁意粉口感软硬适中，除咗黑松露酱，芝士片和三文鱼籽的咸香，仲有洋葱的甜味。🌱宇治抹茶黑芝麻梳乎厘班戟梳乎厘班戟的蛋味香浓，班戟密度比较高。绿茶酱滑身唔苦涩，红豆颇甜，本身谂住甜品只有甜，却有块咸香的芝士脆片衬托，最后觉得甜后加返一点咸都唔错。🌱百香果抹茶百香果和抹茶十分配合，抹茶唔会太浓郁，而百香果带酸味，感觉清新。🌱5.0 milk soft ice cream x espresso 呢个似欧洲的雪糕咖啡，🙌🏻真系要推介俾大家！其实我好少食特浓牛奶味雪糕，怕佢太膻和甜。但系呢个我食咗第一啖之后就冇停过手。雪糕质地硬净，奶味浓郁唔膻唔太甜，加啲espresso有咖啡盖住，雪糕口感柔和，微苦中带甜。