影片
更多
2016-08-25
3067 浏览
竹园海鲜酒家，老字号有50年了，一味芝士龙虾威震香江，远近驰名。竹园可谓陪著我成长。小时候去竹园最开心（真的是「小时候」王书麒，路家敏年代），食物好唔好食就唔知，净系汽水就饮到饱。想当年， 在酒楼叫汽水饮是非常奢侈的事，老豆老母实唔畀， 唯有在竹园，汽水是任饮， 玩Free Flow， 小朋友想唔发癫都几难。出来做事，有幸遇著位好老板，特别为我们高层员工，设置私人厨房，贵宾宴会厅， 邀请竹园人称二哥，三哥来主理， 无论是珍馐百味式宴客， 抑或是家常便饭式食餐晏，都是水准之作。菜式创作讲求用料靓，玩配搭，讲厨艺，不是盲目式追求鲍参翅肚，日子有功，嘴仔都练到刁咗，眨眼间，十几年前的事了。今日到上环竹园，再遇三哥，难得。 三哥御驾亲征，贵为潮州普宁人，示范如何做正宗潮州蚝仔烙，食到舐舐脷。「呀轻，贺jet！」（呀兄，好吃）我都忍唔住，「格己冷」一番。睇得出三哥对潮州菜好有要求，好想做到正宗潮州风味。另外𠮶碟胡椒猪肚苋菜就靓到晕，猪肚料靓新鲜，胡椒味够，不辛辣啱啱好，苋菜够嫩，好味。嚟到竹园点都要食下海鲜， 奄仔蟹当造， 爆哂啲蟹膏咁滞，直逼黄油蟹， 好食抵食。 中秋节前食奄仔蟹最当造，勿失良
竹园可谓陪著我成长。小时候去竹园最开心（真的是「小时候」王书麒，路家敏年代），食物好唔好食就唔知，净系汽水就饮到饱。想当年， 在酒楼叫汽水饮是非常奢侈的事，老豆老母实唔畀， 唯有在竹园，汽水是任饮， 玩Free Flow， 小朋友想唔发癫都几难。
出来做事，有幸遇著位好老板，特别为我们高层员工，设置私人厨房，贵宾宴会厅， 邀请竹园人称二哥，三哥来主理， 无论是珍馐百味式宴客， 抑或是家常便饭式食餐晏，都是水准之作。菜式创作讲求用料靓，玩配搭，讲厨艺，不是盲目式追求鲍参翅肚，日子有功，嘴仔都练到刁咗，眨眼间，十几年前的事了。
今日到上环竹园，再遇三哥，难得。 三哥御驾亲征，贵为潮州普宁人，示范如何做正宗潮州蚝仔烙，食到舐舐脷。
「呀轻，贺jet！」（呀兄，好吃）我都忍唔住，「格己冷」一番。
睇得出三哥对潮州菜好有要求，好想做到正宗潮州风味。另外𠮶碟胡椒猪肚苋菜就靓到晕，猪肚料靓新鲜，胡椒味够，不辛辣啱啱好，苋菜够嫩，好味。
嚟到竹园点都要食下海鲜， 奄仔蟹当造， 爆哂啲蟹膏咁滞，直逼黄油蟹， 好食抵食。 中秋节前食奄仔蟹最当造，勿失良机。海中虾好大只，虾肉够弹，大只到仲有虾膏添，豉油皇煎，味道一流。
再来一碟大肠酿虾胶，又估唔到咁好食， 烟靭软滑并重，好好口感。 点知三哥过来，望一望碟𩠌 ，眉头一皱，咩事呢？
「可以畀我试一试啲蒜粒吗?」 三哥随即挟一些蒜粒放入口试试，然后话:「唔合格，唔好意思！」
只不过是铺在大肠酿虾胶上面啲蒜粒啫， 使唔使咁认真？ 我也挟一口试试，都几脆香，问题系边呢?
三哥解释: 「将蒜粒几啖之后，睇睇有冇黐牙，有就不合格。 若厨师再炒多几吓，蒜粒就再干身啲，食落口吞埋都冇黐牙。 但系呢几下就考起厨师，一旦炒多咗，蒜粒过火就会变苦。」
我谂起周星驰（ 喜剧之王）:「呢啲咪就系专业，临时演员都系演员」。 三哥呢啲咪就系专业，在他眼中，配菜都系菜，蒜粒都要做到最好，不可马虎。
In my opinion, 中国菜点解赢其他菜, 就系一个「炒」字，一只生铁镬，一个镬铲，仲有最难搞嘅火，都不知考起几多厨师。
我又谂起周星驰（食神）：「 他高傲，但宅心仁厚。他低调，但受万人景仰。他可以将神赐给人类嘅火运用得出神入化，可以煮出堪称火之艺术嘅超级菜式！他究竟是神仙嘅化身，定系地狱嚟嘅使者呢？冇人知道，但可以肯定嘅系，每个人都畀佢一个称号…… 食神!」 哈哈！
眼前的三哥，仍然非常有魄力， 完全压得住场。 一边招呼客人，一边监察出品，一边Fing住杯红酒，谈笑风生。做咗几十年饮食， 你估流㗎！😉
张贴
