大阪日本料理 (已結業)

有一次因为同屋企人食饭嘅关系，所以就发现咗呢间大阪日本料理，原来佢哋已经开业好多年，由山林道搬咗嚟富豪酒店，虽然喺酒店入边，但系佢哋嘅价钱都仲系好亲民～ 而且佢哋嘅食物种类都非常多，有一般居酒屋食到嘅串烧、天妇罗同炸物之外，寿司同埋铁板烧佢哋都有提供～ 七味鱼翅：绝对系餐前必点嘅小食～ 如果饮酒，就更加适合。串烧方面就叫咗两款，免治鸡肉同埋非常爽口嘅牛舌芯。两款串烧都烧到微微焦香～ 铁板烧我就拣咗佢哋推介嘅四头鲍鱼，配牛油黑松露酱，香口之余，鲍鱼亦都非常新鲜，每一啖都系弹牙嘅感觉。大虾爽口而且虾头位置佢哋都整到非常香脆。虽然佢哋有配酱汁，但我觉得就咁食已经好够味。杂锦天妇罗有一般嘅野菜～ 比较估唔到嘅系佢有一旧天妇罗三文鱼，而佢哋嘅炸酱唔会整得太厚，整体嚟讲都炸得脆脆的又香口～ 而且虾天妇罗大大只又爽口炒野菜同炸豆腐都好合我哋心水～ 银雪鱼西京烧嘅鱼肉非常之嫩滑，西京酱汁甜甜的都醒胃～ 食完埋单之后佢哋仲送咗雪糕！超满足，而且价钱亦都唔系好贵七味鱼翅自家酱免治鸡牛舌芯串铁板烧南非四头鲍鱼（牛油黑松露酱）大虾铁板烧杂锦天妇罗炒野菜日式炸豆腐银雪鱼西京烧