Fifty Fifty (已結業)

今日去左接朋友放学，系长沙湾呢个旧区揾野食。行过呢间叫Fifty Fifty的餐厅几有格调又多人食，所以就入去坐低左。餐厅有提供晚餐Set，实在太多野食想试，我同朋友决定叫一份牛排同一份意粉Share。套装包左一碗汤、一个主菜及一杯饮品。餐汤为蕃茄罗宋汤。长期口㾗的我，当然唔会放过叫小食的机会！呢份芝士著条用了新鲜炸起的粗身薯条。芝士酱用左比较重奶味的芝士，著条都几好挂汁。呢份系「黑松露烧烤蘑菇天使面」，份量都几大。除左烧到岩岩好Juicy的蘑菇外，意粉都用左比较靓的刨芝士。见到意粉上的黑点就知黑松露的份量都唔少！与其他餐厅唔同，呢度的意粉比较干身，唔会比忌廉汁盖过松露味。另外，我地都叫一份「烧美国极级安格斯西冷」，一上菜时，块牛排非常香！此外，块排仲要好大块，长度系长过手板+手指。朋友唔食得太生，所以叫左7成熟。牛排唔系厚切，不过就好大块。牛排口感唔错，有少少咬口外，牛味都几重。餐饮方面，我叫左杯唔洗加钱的热奶茶。奶菜重奶味，好滑溜。朋友仔就加左$18要一壶玫瑰花水果茶。淡淡的玫瑰花味再加埋水果的鲜甜味，好Fresh！餐厅都几多人食，有兴趣的朋友记住早少少去揾位。