% Arabica (鴨巴甸街) (已結業)

% Arabica 话咁快已经开到第五间分店，今次新铺位于本地创作人集中地PMQ嘅对面，从此嚟PMQ又多一个选择👍🏻装修同样日系，以白色时尚简约风为主，第五分店嘅外墙更多咗层绿化效果。室外亦有唔少座位提供。环境舒适，室内外座位都有。店内亦都展示咗自家品牌嘅商品。店员细心介绍佢地嘅特色咖啡👍🏻虽然客人好多，但落单后唔洗等好耐就冲好。我地一行四人，行完PMQ过嚟潮圣新店，各自叫咗一杯饮品。Δ Hot Spanish Latte 西班牙拿铁每杯咖啡都好有心思，有个靓靓拉花，Spanish Latte嘅特别之处系用咗炼奶，味道比较香甜，入口更幼滑。Δ Hot Caffe Latte朋友唔钟意太甜，点咗杯Latte，咖啡味醇厚浓郁，饮后齿颊留香。Δ Hot Matcha Latte另一个唔怕饮咖啡瞓唔著嘅朋友叫咗杯Matcha Latte，抺茶味浓，甜度适中，奶嘅份量刚好，唔会盖过抺茶嘅味道，亦非常香滑。Δ Iced Matcha Latte味道清爽嘅冻饮，抺茶味虽不及热饮出众，但抹茶味同样浓郁。