旬. 食事處 (已結業)

今晚慶中秋兼家姐生日，一家6口要分開兩枱中間隔左塊膠板，全民抗疫無所謂啦。家姐早前已訂咗象拔蚌刺身同燒長腳蟹，另外叫左D小食同壽司烏冬等。首先個象拔蚌剌身，非常新鮮，鮮甜無比，師傅刀功一流，薄切夠爽口，厚切夠淋鮮甜無比👍🏻。燒長腳蟹夠新鮮，蟹肉彈牙juicy，每件仲有蟹膏响上面，係自助餐貨式無得比的😋。其他小吃，我最鍾意係雞翼，水牛雞翼同明太子雞翼都皮脆肉嫩好好味👍🏻豬軟骨湯烏冬個烏冬彈牙湯係白色豬骨湯都食得過。壽司飯係室溫，可以凍少少感覺會好D。鰻魚飯份量都多個汁做得唔錯。今晚真係大🈵️足👍🏻