影片
更多
2019-10-30
1186 浏览
6个家庭去食buffet，今次又拣咗8度海逸，因为呢度大家都赞好食，又抵食！而家佢做紧10周年优惠，赞好酒店Facebook仲有额外$220餐饮礼券。今次buffet系新出嘅「秋日环球海鲜盛宴自助晚餐」，又真系好多款海鲜。我每次重点必食梗系海鲜冷盘！有即开生蚝，仲有雪花蟹脚、海虾、海螺等，星期五至日同公众假期仲有波士顿龙虾，我地都有拎到！ |海鲜种类好丰富！当然唔少得刺身、寿司都好齐全啦。其实，8度海逸自助餐嘅热盘都系我食过嘅buffet当中算高质素，好多款式都有即煮，够晒新鲜热辣，推介必食嘅有：即煎鹅肝伴黑松露汁、笼仔蒸海上鲜、四川麻辣海鲜煲！个四川麻辣海鲜煲可自由配搭各款海鲜，包括扇贝、虾、花甲、蓝青口、皇后蟹脚，再交由厨师加入自制麻辣汤即煮即食，香喷喷！如果唔食得辣都唔紧要，今次新推出嘅迷你酥皮焗黑松露海鲜 都好好食！个牛油酥皮邪恶度爆灯，但唔食就系损失喇。值得一提系桂花片皮鸭 将片皮鸭放在薯片上，再配上秘制桂花酱，口味好独特，次次出炉都好快被一扫而空，各位一定要留意睇实呀。甜品方面，一如往常咁丰富，呢度皇牌梗系芒果拿破仑啦，一定要留肚食番件，另外仲有芒果奶冻、榴梿忌廉蛋糕、即制
海鲜种类好丰富！
海鲜冷盘
17 浏览
0 赞好
0 留言
当然唔少得刺身、寿司都好齐全啦。
其实，8度海逸自助餐嘅热盘都系我食过嘅buffet当中算高质素，好多款式都有即煮，够晒新鲜热辣，推介必食嘅有：即煎鹅肝伴黑松露汁、笼仔蒸海上鲜、四川麻辣海鲜煲！
个四川麻辣海鲜煲可自由配搭各款海鲜，包括扇贝、虾、花甲、蓝青口、皇后蟹脚，再交由厨师加入自制麻辣汤即煮即食，香喷喷！
如果唔食得辣都唔紧要，今次新推出嘅迷你酥皮焗黑松露海鲜 都好好食！个牛油酥皮邪恶度爆灯，但唔食就系损失喇。
值得一提系桂花片皮鸭 将片皮鸭放在薯片上，再配上秘制桂花酱，口味好独特，次次出炉都好快被一扫而空，各位一定要留意睇实呀。
甜品方面，一如往常咁丰富，呢度皇牌梗系芒果拿破仑啦，一定要留肚食番件，另外仲有芒果奶冻、榴梿忌廉蛋糕、即制榴梿班戟都系必食嘅。雪糕系Häagen-Dazs，仲可以喺度即制窝夫！
小童6岁以下系免费嘅，所以呢度超多家庭客。仲有，酒店eShop预订有8折优惠，唔好唔记得咁傻猪猪呀。
张贴
