稻香 (恆星樓)

营业中

休息中

一行十二人到这𥚃食晚饭，酒楼位置有点难找，幸好装修干净企理。$1/鸡，叫左3只，好大只，皮脆香口啖啖肉，但味道咸左 d。$18/位炖汤，好清，冇乜味。$398蒸花尾趸，大条，蒸得时间啱啱好。烧鹅半只，微暖，肉质有啲奀，一般般。海皇豆腐煲，料头嘅鱿鱼同虾仁都好新鲜，但个汁就厚身左少少。炒番薯苗、节瓜甫冇试。加左白饭、夀桃包、汽水、啤酒，埋单 $1674，都抵食嘅。题外话，侍应人手不足，落单要行去收银处自己和姐姐下单，白饭叫3个，只来了2个，但又收了3个钱，有点混乱，付款前要check 清楚。