大班樓 (已搬遷) 新店位置

四个月前订左今晚去食晩饭，网上订座要付$300/位。二人套餐只有一款选择，所以叫左 ，$880/位。小食四款，子姜皮蛋因为子姜没有供应，所以改左烟熏乳鸽，陈皮五香牛肉，蟹肉香菇盒及芋泥鸭盒，几款都吾错。花胶鸡元肉汤够热而且个汤好清甜。花雕花蟹配陈村粉，有d葱丝夹陈村粉食，索埋d汁，吾错。糖醋排骨，好大件，外脆内软，配左子姜粒及糖醋汁，最好食系佢。鱼汤油炸鬼菜芯，清清地，冇乜特别。三虾炒饭，份量好大，获气够得嚟d饭又炒到粒粒分明。杞子雪糕，估唔到杞子同雪糕又好夹，意外惊喜，反而杏仁茶就味道淡和质地都比较薄。用餐体验，食物和服务质素都很出色，只是楼底不高，客人多时比较嘈。