沙田新強記燒鵝海鮮酒家

营业中

休息中

住大围平时行过沙田新强记烧鹅海鲜酒家，好old school嘅感觉但系一次都未食过，今日试下啦，入面嘅传菜姐姐真系唔同出面酒楼，一种唔识形容嘅仪式感好好午市烧鹅饭今日好Lucky有烧鹅髀，卖相好靓大大碟好香喷喷。星闪闪嘅烧鹅皮咬咬落去好脆，点一点个甜酸酱，烧鹅既油脂系口入边一下爆晒出嚟，人生无憾。新强记虾饺皇应该系我人生入边食过最多馅同埋最大粒嘅虾饺。我唔理啦成粒虾饺塞咗入口，虾好弹牙同埋虾嘅鲜味包围住我，虾饺皇我比满分。蟹籽烧卖皇烧卖好大粒上面啲蟹籽粒粒分明。我系烧卖嘅忠实fans，成粒都好鲜味多汁，口感同味道都好高质。腊味蒸萝卜糕好少会食到蒸嘅萝卜糕，有啲古法feel。食落去好水润，有好足料腊味同埋萝卜丝。姐姐细心帮我哋落左调味粉同埋甜豉油。好味！金珠咸水角同而家新式出边食开嘅咸水角有啲分别。而家通常新式酒楼都系薄皮果只。呢只系旧阵时时师父做法，系细细个嘅味道。个皮系好脆好烟靭甜甜地，个馅好香咸。正！强记鸡粥呢个鸡粥真系超级超级好食！我觉得系必食之选。鸡粥入边落咗好多姜葱料头，鸡肉好香滑好足料，唔知系咪师傅落咗鸡汤煲，成个味道好入味好香浓！超级赞！