FRITES Belgium on Tap (海濱匯)

营业中

休息中

住喺东九嘅我从来都无嚟过呢幢building , 离铁路有啲远，不过商厦真系好靓，相比我返工嘅所谓甲级商厦靓好多，楼底又高，无人返工嘅商场星期日都有几间舖开。呢间餐厅格局似酒吧，4人台好宽敞，有outdoor 位，有啲树，有伞，好chill😍 ,我好钟意🤤，不过今日真系好热，所以都系坐indoor , 大大嘅落地玻璃望出去好舒服😚，冷气都好够。menu 有60页，好似睇紧书咁，有埋图，好认真，好欣赏👍👍👍。《classic steak 》要咗medium rare, 扒都几大块，几高质，无乜筋，已切件😚，可以食得好斯文，薯条好多，系幼薯，好有薯味，台上已设有茄汁👍。《沙律加三文鱼》份量都几大，芝士好多，闻落已经好香《比利时窝夫》嚟到好震撼，好高😵，有层层叠嘅感觉，上面应该系蛋白加糖再用火枪烧烧，中间有朱古力雪糕，下面系窝夫再下一层系云尼拿雪糕，最底层都系窝夫，其实好heavy , 而且底层窝夫已经唔脆，味道就好一般，不过卖相嚟讲系高分❣，打咭系唔错嘅📷。