il Bel Paese (皇后大道中) (已結業)

平时返工多数带饭，但听同事讲皇后大道中有间餐厅做紧Promotion，$60就食到Carbonara，即刻约埋附近返工嘅朋友去试下。之前经过呢间餐厅几次见到装修几靓已经想试，不过Lunch至少百几蚊，所以一直迟迟未行动。今次呢个crazy carbonara week用$60就试到，实在无唔食嘅理由！我同朋友各自点咗一份Carbonara，等紧期间店员送上餐包，非常Surprise，无谂过$60价钱仲有包送。虽然橄榄油同醋偏苦，但都为胃打个底先。主菜终于上场！睇上去非常细份，但其实食落你会发觉以我一个咁大食嘅女仔嚟讲都非常饱。平日街食carbonara偏向多汁同用烟肉，但你睇得出餐厅系用靓料去做sauce所以成个意粉每一口都非常creamy。而意粉亦用上al dente，除咗较幼身之余，外面偏软，中间一点半熟不生，令到每啖都劲有咬口。埋单连加一每人都只系需要$66，喺上环区高级餐厅食到呢个Lunch实在超值。