德興酒家 (已結業)

　　今天系老妈子生日既重要日子，我地做仔女既当然要同佢食餐饭庆祝吓啦！我二姐夫知道「德兴」最近推出了一个叫"心晴宴"既套餐好抵食，便决定book张台同妈子来这里食饭。大红乳猪全体 - 皮薄而脆，唔错。京式鸡煲翅 - 几多翅，但略为咸些。彩虹珊瑚蚌带子 - 西芹好爽，带子好食只厌细了些。玉环瑶柱甫 - 瑶柱煮得淋，唔会太干身，几好，节瓜味道稍为唔够鲜甜，西兰花爽口。黄金香芒海鲜卷 - 炸得过为干身，差咁些。菌汁乳龙虾球（伊面底） - 龙虾球卖相麻麻，望落似班块，口感亦一般，但个伊面几好食。清蒸老虎班 - 算大条，蒸得稍稍熟过笼，但味道唔错的。金蒜脆皮鸡 - 皮薄香脆，唔太油腻，肉质嫰滑。鲜虾荷叶饭 - 太饱了食唔落，但二家姐试了口话普通，没什么特别，最后打包返屋企。莲茸桃包 - 莲蓉馅味道ok。鲜果拼盆 - 冇咩特别。　　总结来说，六佰六十六蚊有咁多野食，又送果汁、啤酒免茶芥，味道又唔差，算系好抵食了。