泰農菜館 (已結業)

话说朋友想出黎相聚，咁我地有大人有小朋友，加加埋埋都成十个人，要谂去边食都好苦恼。突然其中一名朋友话有呢间泰国菜嘅7折coupon, 咁就一诉去试下啦，张7折当然系正价先有优惠。泰式无骨凤爪：唔太辣，亦唔够入味，好淡。冬荫功汤：我地叫左个大嘅，汤嘅辣度就够啦，但香茅味唔够，入面有大虾。菠萝炒饭：唔知点解上面会有炒虾球，菠萝粒好少，但都炒得唔油，不过味道偏咸。蚝饼：第一次系泰国菜馆食蚝饼，佢又整得好香脆，可以算系全晚最好味嘅，蚝仔好大粒，亦都足料，又唔会腥。冬菇炒椰芯：椰芯嘅感觉就好似食梗荀咁，但好清甜，几好味。面包咖哩虾：我第一次见咁细衯咖哩，系出要茶餐厅碗例汤咁细碗.....咁就7十蚊了....仲要咖哩唔香，冇咖哩味亦唔辣，失望。湿炒海鲜河：河粉得好少，但算好食，起码海鲜唔系急冻。马拉盏炒贵妃苗：马拉盏唔够味，好淡.....虾多士：炸到好㶶........亦都好少虾.......我地仲另外叫左几杯饮品，同几支啤酒，埋单每人150蚊，平就算平但份量同味道真系唔多好，我谂如果唔系有7折都未必会黎食，埋单黎佢又送多张7折黎，但未必会用到了....