龍鳳呈祥火鍋雞煲

营业中

休息中

一入餐厅好似回到70-80年代咁，与街道有强烈嘅对比，餐厅布置同埋餐具充满着怀旧特色，非常有心思，有霓虹灯牌、留声机、旧式信箱、旧式鸟笼，poster等等，亦播住怀旧经典金曲，完全感受到香港上世纪嘅生活点滴。餐厅主打鸡煲打边炉，有多款创新选择，例如鸡煲翅、日本广岛蚝、季节限定嘅榴梿鸡煲等等，今次拣咗招牌无骨凤翼酿鸡煲，鸡翼去骨后酿入墨鱼滑，食落去啖啖肉，最欣赏佢哋嘅秘制酱汁，加入咗花椒八角，麻辣得黎又好惹味，BB辣都已经好够辣味。食完鸡煲之后可以拣加鸡汤/猪骨汤打边炉，火锅配料酒香陈年花雕浸牛肉非常出色，牛肉新鲜嫩滑，食到少许酒香味，另外龙凤呈祥手打鲜虾丸，用新鲜嘅虾肉打至起胶，咬落去非常爽口，仲食到少少细细粒嘅虾肉。自家制竹蔗茅根用咗黑绿色格仔嘅水壶盛住，好有特色，亦系解渴解辣嘅好选择。