7E咖喱王

营业中

休息中

一直都无去过重庆大厦，呢日一班朋友兴起就话去重庆大厦食咖哩，上网一揾就系呢一间7E咖喱王。去到重庆大厦，当然我地系唔识路嘅，同门口嘅南亚裔人士讲话我地系去7E咖哩王就有人出黎带路。我地四个人总共叫左两个咖哩同两个烤饼，分别系特色香料鸡，马沙拉烩鸡，蒜蓉烤饼同牛油烤饼。两款鸡其实各有特色，马拉沙烩鸡椰汁味比较浓，我个人比较钟意。烤饼方面，蒜蓉烤饼无咩蒜蓉味，反而牛油烤饼比较香，所以我比较推荐大家点牛油烤饼黎同咖哩一齐食。