金記冰室 (八號花園) (已結業)

每晚经过金记都见到等外卖的人企满周围，我终于发现抵食攻略，原来买现金卷已经有推广优惠，而家外卖自取更加有折头添！咁就真系抵上加抵！最近疫情加上 Social distances 令家人唔敢出街食饭，我做咗屋企嘅外卖仔啦！冰室收银处装修成火车收银处，火车迷一定好喜欢，虽然系叫外卖都一样要探热㗎！做得妥当食客都食得安心啲。见到老火汤啱饮一于叫个晚餐，老火汤一星期晚晚都唔同款式，粉葛赤小豆红萝卜煲猪骨汤，真材实料，唔会太油腻，咸度适中。这里的罗宋汤也是招牌菜，味道够晒浓郁，而且充满大量蔬菜，口感健康。味菜炒牛肉 少盐少糖食店，晚餐我叫咗个中式小菜套餐，送白饭比较适合家人口味。主菜配白饭同饮品非常超值，味菜味道甜甜酸酸非常开胃。炒牛肉份量足料，牛肉味道浓郁，肥瘦均匀，肉质柔软。大量配菜有彩椒、洋葱、野菌蔬菜令彩色丰富，口味清新好多，捞饭一流。四川重庆口水鸡爱食辣味又钟意刺激，四川重庆汁浓郁重口味口水鸡最啱我，味道辣得来十分刺激，花生粒粒增加口感，鸡肉嫩滑多汁，味道方面有水准。餐饮嘅香滑奶茶果然香浓够滋味。