樂天皇朝 (利舞臺廣場)

营业中

休息中

最近同朋友傾起好想食上海野，就搵咗呢間樂天皇朝，朋友之前食過話好好食，想帶我去試吓，餐廳座位好闊落坐得舒服，裝修得好精緻。皇朝特色小籠包有8️⃣款唔同顏色嘅小籠包相當之吸睛，貪心嘅我可以試勻晒呢8️⃣種唔同口味☺️，而小籠包皮好薄一咬開好多肉汁，唔會食到好油膩，裏面嘅肉餡好足料，小籠包嚟講咁多種口味真係好少有。芝麻醬油麥菜油麥菜外層有塊青瓜包住，點埋旁邊嘅芝麻醬味道好夾，而且食落無草青味，油麥菜好爽脆口感好清新。李白醉雞醉雞肉質好嫩滑雞皮好爽，食落陣陣嘅花雕酒味。蘿蔔絲酥餅外皮好鬆化，裏面餡嘅蘿蔔絲熱辣辣食落好淋，唔洗點咬係口到融化，口感好豐富。皇朝魚湯酸菜魚酸菜魚份量好足料，有酸菜、萵筍、薯粉、魚片，食落唔會好辣唔太食得辣都可以試吓，魚片好嫩滑，薯粉好淋吸晒啲湯汁好入味。香煎豆沙鍋餅豆沙鍋餅金黃色外脆內軟，裏面嘅豆沙蓉好滑，唔會食落好甜。