御品軒 (已結業)

被老友甩底后，唯有与老公食饭啦，见8笑1喊的食评，心想应该唔会太差。要了「姻缘」二人餐，饭面、小食及餐饭各两份。原盅崩沙腩河粉-除了一碗崩沙腩河外，另有一盅萝葡牛腩汤，汤味道几甜，萝葡亦没有根或渣；崩沙腩唔够味，又唔够腍，河粉是较宽身的沙河粉，粉条较硬唔够滑。蟹籽水饺、鹅肝水饺捞面-前者较好，虽然是煮熟了，仍有爆开卜卜口感；后者的鹅肝水饺，我食唔出有鹅肝，只有咸味。捞面有碱水味，面身又腍唔得爽口。小食是黑柏叶及油菜，黑柏叶就韧而不爽。如餐饮改叫甜品可当$10使用，叫了红豆初开及一见钟情。红豆初开-是水牛牛奶红豆冰雪榚，味道似云呢拿奶色，牛奶香唔突出。一见钟情其实是三色雪榚淋上红豆，睇食评原是水牛奶、蕃薯及绿茶雪榚，落单是伙计说没有蕃薯，唯有改朱古力，之后睇到启示，原来没有水牛奶雪榚，要改「维记」雪榚代替，早知唔改甜品。而绿茶雪榚非常难食，味道怪怪，完全没有绿茶味。计埋我这个食评后，就是8比2的分数。