新斗記 (已結業)

到左十月份都仲有风打，是日本来约左朋友食西餐，但因为台风来袭，餐厅未有营业，其实打风通常都系帮衬连锁野，又或者系酒楼，多数都有营业。同朋友黎到铜锣湾嘅新斗记，喺酒店2楼，位置阔落，虽然系打风天，都依然有唔少客人，既有家庭，亦有啲系两小口食晚饭。咁我地今晚人少少，叫左几款小菜试下首先系老火例汤，是日例汤系菜干煲猪肺、猪肉，汤底完全唔油腻，冇乜味精感，啖汤都特别清甜，有润肺之效。大概分到5碗，一人一碗多啲招牌乳猪：都系新斗记嘅招牌，猪皮好脆，而且去掉多余嘅肥肉，基本上系呢度必点葱油鸡/半只：鸡肉唔算好嫩滑，但鸡只味道都好有鲜味，唔会好似啲雪藏鸡咁。啫啫生菜：生菜略为失色，唔系好够惹味。粟米班块：班块8件，另上一碗粟米汁。用上班块鱼肉，加薄薄炸浆炸，类似黄金炸豆腐果层皮咁，食落仲系好软熟，唔会有一层好硬嘅脆皮。配埋粟米汁，甜甜地，很好下饭生炒上肉排：外皮咬落好脆口，甜酸度适中，现炸，肉唔韧唔老椒盐鲜鱿：份量比较少，唔系好够锅气。临尾仲送左几碗汤水 - 红豆沙俾我地，好贴心。因为天气凉凉地，都几暖胃。