八伍貳工房

营业中

休息中

今日去揾男朋友食晏，见某餐厅都有宣传过呢间新店，所以嚟试下。可能系试业期间，入到去冇乜人。好在播正viutv，有波睇住送饭LOL因为见系冰室，初初预都系普通茶记嘢食。不过睇完个餐牌都有啲惊喜，款式叫比较新同多。我地一开始嗌左个卡邦尼乌冬 同埋 牛脷焗饭，但可惜呢两样都冇于是后来改左做咖喱牛筋腩饭 同 香葱酱油猪软骨捞丁。讲下个咖喱饭先︰因为未捞匀，就睇落比较多油。但值得一赞嘅系 食到好香嘅椰香味，同埋薯仔切得偏细，变相放得多左牛筋腩。可以改善嘅系...加返啲辣度，呢种偏向系甜咖喱。跟住系我嘅猪软骨捞丁︰香葱酱油味 值得推介以为系好似烧味舖𠮶种，不过食落冇𠮶种好咸好油嘅感觉，同埋葱都算新鲜唔系比油浸左好耐嘅质地。猪软骨就差啲，因为偏咸同韧，下次可能叫其他。饮品嗌左热杏霜︰中规中矩，淡淡地。好就好在唔系多到一旧粉「鲸」喺底，一杯干完整体嚟讲就一般，期待下次食到个卡邦尼乌冬。