影片
更多
2016-06-04
7222 浏览
宜家鸡煲大行其道，之前睇杂志时见到鸡煲介绍，$88可以任食鸡煲两个钟，咁正既野当然要去试下。鸡煲系长沙湾保安道街市，长沙湾站行过去大约15分钟，系李郑屋邨附近。保安道街市有扶手电梯直接上去，留意㖞，街市无冷气架，但有强劲既风扇。我地一行五人，老板比我地拣两个煲，我地叫左麻辣同醉鸡。老板话麻辣系佢预备既，醉鸡当佢黎左个醉鸡汤底就要自己去攞鸡。自己攞鸡咁怪？周围望下边度有得攞，老板指示我地行去后巷，系后楼梯附近有个好大个既雪柜，入面全部都系鸡，雪柜有个指示，清汤攞清汤鸡，醉鸡汤攞醉鸡？我地问老板点分，佢话原来无分...咁指示要黎做咩...我地攞左几碟鸡，都系鸡脾部分，每碟有十来件，鸡件都大大件，望落唔系好肥，但鸡毛未清洁干净㖞。。试下醉鸡先，汤底唔够酒味，打开盖𠮶阵好香架，但食落唔够味，所以啲鸡放落去都无乜味。老板话有壶醉鸡汤可以加既，但我地加左都唔觉得有味..啲鸡好滑，本来$88任食我都唔预计会好出色，但啲鸡几滑，肉质好嫩，由于我拣左鸡脾位，所以真系啖啖肉，啲鸡就算滚左好耐都唔觉得好鞋，抵赞！食完头一轮醉鸡，麻辣汤底终于到啦！由于我地叫左小辣，所以真系唔系好辣，啲鸡因为曾经煮过，所以好味
我地一行五人，老板比我地拣两个煲，我地叫左麻辣同醉鸡。老板话麻辣系佢预备既，醉鸡当佢黎左个醉鸡汤底就要自己去攞鸡。自己攞鸡咁怪？周围望下边度有得攞，老板指示我地行去后巷，系后楼梯附近有个好大个既雪柜，入面全部都系鸡，雪柜有个指示，清汤攞清汤鸡，醉鸡汤攞醉鸡？我地问老板点分，佢话原来无分...咁指示要黎做咩...我地攞左几碟鸡，都系鸡脾部分，每碟有十来件，鸡件都大大件，望落唔系好肥，但鸡毛未清洁干净㖞。。
试下醉鸡先，汤底唔够酒味，打开盖𠮶阵好香架，但食落唔够味，所以啲鸡放落去都无乜味。老板话有壶醉鸡汤可以加既，但我地加左都唔觉得有味..啲鸡好滑，本来$88任食我都唔预计会好出色，但啲鸡几滑，肉质好嫩，由于我拣左鸡脾位，所以真系啖啖肉，啲鸡就算滚左好耐都唔觉得好鞋，抵赞！
食完头一轮醉鸡，麻辣汤底终于到啦！由于我地叫左小辣，所以真系唔系好辣，啲鸡因为曾经煮过，所以好味过醉鸡啲鸡好多，醉鸡啲鸡似放入去打边炉咁，呢个麻辣啲鸡入味好多，鸡肉一样好嫩滑，鸡油都唔多，因为煎过，所以我觉得好似KFC啲炸鸡XD好快就食完第一轮啦，叫老板再Encore麻辣鸡，等左20分钟，黎左一大盘鸡，可能老板唔记得我地叫小辣，第二轮好鬼辣，鸡底有啲菜做配菜，啲菜索晒啲汁仲辣到我即刻叫左枝青岛啤，大大枝唔贵㖞，$10枝only。食完几轮鸡，我同朋友都捧住个肚走人呀！
张贴
