韓家韓國料理 (已結業)

有日心思思想食炸鸡，咁我就揾下有咩地方有炸鸡放题可以试下喇，一揾就揾到呢间韩家韩国料理。禁入openrice就见到佢地88蚊任食放题，咁我禁系即刻落订第二日去试下。地铁站去既地理位置比较偏但都算近地铁，5分钟路程左右。入到去同佢地讲订左openrice既炸鸡放题佢就叫我坐底同帮我scan qr code再俾张纸我点餐。两个人叫左三碟炸鸡同一个泡菜煎饼，再拎埋openrice订餐送既两罐可乐。知道佢地卖得平都无预想几好味，但第一碟既泡菜煎饼煎得唔错，起码唔会好水，有少少脆边。之后黎左酱油味、辣味味同芝士辣味嘅炸鸡，全部都系即叫即炸，酱油味同辣味都唔错但芝士味就真系唔建议叫，同埋期待食到鸡翼同鸡腿嘅你可能要失望，毕竟价格比较平唔会有。服务正常，价格非常亲民，食物水准正常偏上，但唯一唔满意系服务费唔可以俾卡同八达通，只接受现金。