影片
更多
2021-06-02
444 浏览
康城The Lohas 开咗幕一段时间，云集唔少出面唔多见嘅餐厅，绝对系一个规划得算唔错嘅新商场。今日难得同男朋友入到嚟，睇完戏顺便到同样喺四楼嘅呢间 Interval 食晚餐🍴。系出面睇呢间餐厅设计得好靓，虽然有成个大露天位置都无好好布置利用，室内部分都同啲新式café一样既有空间感又有美感。临入去之前，喺coffee bar 先睇下佢有咩卖。见到上网都有人推介Tiramisu，但系𠮶晚就应该卖唒😢，只系见到好多各式各样嘅pastry同埋呢年好hit嘅basque cheesecake。虽然有啲失望，不过我哋都决定试下佢嘅主菜。点知打开menu，原来宜家只系做三款pasta嘅set dinner，𠮶个失望感随即再增加😞😞。虽然我哋都食pasta，但如果只系得一款主食仲要得三个选择，就未免太过单调🤔。加上另外两款对我同男朋友都唔算吸引，所以我哋都只系各自叫咗个Carbonara dinner set。 Set Dinner ($88)前菜: Summer Green Salad呢个沙律🥗整体嚟讲感觉普通，无咩特别。用流心蛋做沙律嘅中心系好味嘅，但考虑到我哋叫咗Carbonara都系差唔
临入去之前，喺coffee bar 先睇下佢有咩卖。见到上网都有人推介Tiramisu，但系𠮶晚就应该卖唒😢，只系见到好多各式各样嘅pastry同埋呢年好hit嘅basque cheesecake。虽然有啲失望，不过我哋都决定试下佢嘅主菜。点知打开menu，原来宜家只系做三款pasta嘅set dinner，𠮶个失望感随即再增加😞😞。虽然我哋都食pasta，但如果只系得一款主食仲要得三个选择，就未免太过单调🤔。加上另外两款对我同男朋友都唔算吸引，所以我哋都只系各自叫咗个Carbonara dinner set。
Set Dinner ($88)
前菜: Summer Green Salad
呢个沙律🥗整体嚟讲感觉普通，无咩特别。用流心蛋做沙律嘅中心系好味嘅，但考虑到我哋叫咗Carbonara都系差唔多嘅配搭，就觉得有啲重复。酱汁上同食材上都无咩惊喜，size都比想像中细，系普通一间餐厅都可以食到嘅沙律质素💁🏻♀️。
Summer Green Salad
19 浏览
0 赞好
0 留言
汤: Butternut Squash Soup (+$20)
呢个南瓜汤🎃可以话系成餐饭最好味嘅一样嘢，但留意番本身个餐系唔包㗎，要额外加钱先会有。南瓜汤非常浓郁，配合埋烤面包块，饱足感好够。值得一提嘅系汤入面亦有帕尔马火腿，除咗可以令个汤多一种层次，亦同南瓜个味配合得好好，系一个好适合嘅组合😋。食到松子更加令我好兴奋🥰，因为自己好钟意汤入面有啲咁有咬口嘅嘢，所以个汤可以话系救番头先嘅失望。
Butternut Squash Soup
19 浏览
0 赞好
0 留言
主菜: Spaghetti Carbonara
带番少少期待迎接个主菜，一递上枱就同之前估计一样又见到流心温泉蛋😆。不过真正令我有少少失望嘅系，食物嘅卖相依然系非常普通。其实你睇番头先嘅沙律都会见到，呢度嘅食物无摆盘可言，咁样的确会系未食之前就留下一个麻麻地嘅印象😔，亦非常唔衬佢个咁精致嘅装修。
不过回归食物本身，个carbonara嘅汁系处理得不过不失嘅，食落去都唔会觉得太咸。但一食个意粉问题就出现喇🤦🏻♀️!! 一咬落去已经觉得有少少dry，之后仲觉得佢好硬。意粉有啲弹口先算系好食嘅，但呢个意粉又未去到al dente嘅状态，怀疑佢有少少未熟透😕。咁啱服务员走过嚟问我哋食物质素，我就决定照直反映俾佢听，不过讲完之后佢就无再嚟follow-up过喇😅。服务质素好似可以有啲改善空间🙈。
Spaghetti Carbonara
27 浏览
0 赞好
0 留言
今日呢餐饭嘅心情就好似坐过山车咁，食物质素嘅起伏好大。不过呢个餐本身只系卖九十蚊唔使，咁样谂就唔会觉得好失望。如果你系特登入嚟食就唔建议㗎喇，不过想平平哋食西餐嘅话都系一个可以嘅选择，希望迟啲会有啲改善喇🙊🙊~~
张贴
