狂野麻神麻辣火鍋 (已結業)

难得同爹D妈咪出街，见依家天气凉凉地，就建议去打边炉。尖沙咀有间台式火锅店，出名麻辣汤底及花胶鸡汤🤭无得去台湾唯左打边炉回味下。💙海鲜拼盘💙蛏子皇• 南非6-8头孔雀鲍鱼• 贵妃蚌•大蚬。食材新鲜，稍稍戳热一下，仲食到有淡淡海水鲜甜。只鲍鱼仲有我手掌咁大，啖啖肉。❤️牛肉盛+松板猪肉❤️作为meat lover 既爹D见到咁靓雪花，肥瘦均衡嘅牛肉，立即心心眼😍，仲有爽脆嘅猪肉片，都非常鲜味。🧡精选丸类及饺子拼盘🧡手打牛丸• 鲩鱼丸•鱼皮饺•韭菜饺。全手工制作，真材实料，馅料丰富。💚翠绿时蔬拼盘💚我嘅comfort food，自己打边炉都好钟意食冰菜，钟意佢吸收到汤，又清甜。蔬菜拼盘系🈵🈵🈵的。仲有椒盐豆腐粒，同滑滑嘅乌龙面。🍻跟餐包两杯饮品，点选咗水果蜜桃茶。大大杯，超多水果粒粒，又够晒冰冻🥶，配合打边炉系健康嘅选择，好过饮汽水。今次点左花胶鸡㶽，金黄色嘅鸡汤，淡淡骨胶原，非常浓味但唔会饮完好口渴好味精。非放题食火锅，我觉得食材更有质素保证，而且食几多叫几多，唔会浪费食物，又唔使迫自己食番本😂。员工仲好有礼貌，不时为我地个㶽加汤，同清理枱面厨余。