影片
更多
2018-03-18
198 浏览
又到咗庆祝生日嘅月份，旗袍知我心，懒神秘咁唔话我知食乜，只系话我一定会满意，我就睇吓今次你有几醒上到嚟，最右边系bar嘅位置，中间有几张台，最左边仲要有啲梳化凳，好似个客厅咁，成个环境好正，好似去人哋屋企食生日饭咁！Emporio Antico呢个品牌系由来自澳洲嘅Antico家族喺1938年创立，专营新鲜松露、鱼子酱、陈年醋及藏红花等食材。佢哋嘅食材会供应俾香港澳门嘅5星酒店及餐厅，例如四季酒店、Ritz Carlton、Grand Hyatt、8 1/2 Bombana等。只有系意大利北部Modena地区出产嘅最优质黑醋，先有资格被称为Balsamic vinegar，而今晚嘅全部dishes都系用Balsamic vinegar煮嘅Bread with Tasmania olive oil放喺蒸笼入面嘅面包，卖相超可爱。点少少25年陈醋食，入口甘醇，有天然甜味，有徘徊在似酸又香之间嘅味道，我平时唔钟意食醋，但都觉得非常好味，尤其钟意佢冇𠮶种只有酸嘅口感Amuse Bouche 第一件先食罗马尼亚菇多士，第一次食草菇配多士，作为头盘又几盏鬼第二件系蟹肉配陈醋波，一丝丝嘅蟹肉口感有啲
上到嚟，最右边系bar嘅位置，中间有几张台，最左边仲要有啲梳化凳，好似个客厅咁，成个环境好正，好似去人哋屋企食生日饭咁！
Emporio Antico呢个品牌系由来自澳洲嘅Antico家族喺1938年创立，专营新鲜松露、鱼子酱、陈年醋及藏红花等食材。佢哋嘅食材会供应俾香港澳门嘅5星酒店及餐厅，例如四季酒店、Ritz Carlton、Grand Hyatt、8 1/2 Bombana等。只有系意大利北部Modena地区出产嘅最优质黑醋，先有资格被称为Balsamic vinegar，而今晚嘅全部dishes都系用Balsamic vinegar煮嘅
Bread with Tasmania olive oil
放喺蒸笼入面嘅面包，卖相超可爱。点少少25年陈醋食，入口甘醇，有天然甜味，有徘徊在似酸又香之间嘅味道，我平时唔钟意食醋，但都觉得非常好味，尤其钟意佢冇𠮶种只有酸嘅口感
Bread with Tasmania olive oil
6 浏览
0 赞好
0 留言
Amuse Bouche
第一件先食罗马尼亚菇多士，第一次食草菇配多士，作为头盘又几盏鬼
第二件系蟹肉配陈醋波，一丝丝嘅蟹肉口感有啲似吞拿鱼，上面有两粒黑色及透明嘅陈醋波，好得意，轻轻咬开后啲陈醋就涌晒出嚟，大大增加蟹肉嘅鲜味
最后食自家制鹅肝mousse，上面有Tasmanian summer berries jam，第一口好似冇乜鹅肝味，仲谂住上两件都非常满意，竟然到最尾呢件就令人失望，点知咬咬吓啲醇厚鹅肝味涌晒出嚟，喺口腔中由口感顺滑嘅mousse变成油，短短20秒之间徘徊在似咸又甜之间，非常满意，好期待之后嘅dishes！
Amuse Bouche
5 浏览
0 赞好
0 留言
Caviar Box
用一个鱼子酱嘅罐上菜，旁边有一条用鲟龙鱼骨造成嘅匙羹，超级有心思！最底层系龙虾cream，上层系龙虾啫喱，整个罐嘅一半系铺满伊朗Beluga鱼子酱，旁边有椰菜花cream，净系咁睇已经超靓。龙虾啫喱有好浓郁嘅龙虾味，配合香甜带少少奶油咸香嘅鱼子酱，真系鲜味大爆发！好多人以为鱼子酱愈黑愈好，但其实品质愈好嘅鱼子酱嘅颜色反而会愈浅。呢道菜嘅每粒鱼子都饱满圆润，色泽灰灰黑黑又明亮，影相𠮶阵仲有啲反光添！原来鱼子酱对含银嘅餐具系非常抗拒，因为银嘅氧化作用会破坏鱼子酱嘅鲜味，所以用鲟龙鱼骨嘅匙羹就啱晒啦！
附：伊朗所制造嘅鱼子酱系最出名，由于有政府监管，所以品质稳定可靠，被公认为世界上品质最好嘅鱼子酱。伊朗鱼子酱分别有三种级别，Beluga、Oscietre及Sevruga，而Beluga系品质最高，每年嘅产量少于100条，而且只有60岁以上嘅Beluga鱼卵先有资格制造Beluga鱼子酱
Caviar Box
12 浏览
0 赞好
0 留言
Caviar Box
10 浏览
0 赞好
0 留言
Caviar Box
9 浏览
0 赞好
0 留言
Foie Gras
煎法国鹅肝上面有奇异果，最底系山楂酱，一点点黑色嘅系25年陈醋及hazelnut碎，整体系个好新奇嘅配搭。鹅肝煎得啱啱好，外脆内软，点啲酸酸甜甜嘅山楂酱及配合奇异果一齐食即刻冇咁腻。平时食鹅肝食得多，老实讲惊喜就唔会好多，但反而配角就非常抢镜。山楂酱质感非常浓稠，山楂味道激浓郁，好似一口气咬紧好多好多片山楂咁样，食到最尾真系唔舍得就咁食剩啲酱，搽上啲未食完嘅面包度食，又系一种新滋味！食到呢度，真心觉得每道菜都非常有心思，食一碟赞一碟！
Foie Gras
12 浏览
0 赞好
0 留言
Foie Gras
13 浏览
0 赞好
0 留言
Cured Salmon
烟三文鱼咋㖞，感觉上又系一道冇惊喜嘅dish，但上菜后先发觉原来啲三文鱼系自家烟嘅，而且平时食开嘅烟三文鱼都系薄到好似纸咁，但口中嘅三文鱼系好似刺身咁厚，肉质结实，配合白面豉酱及柠檬汁一齐食，味道新鲜清甜
Cured Salmon
9 浏览
0 赞好
0 留言
Seared Hokkaido Scallop Caviar
来自北海道嘅带子够晒大只，煎到金黄色啱啱熟，新鲜到不得了，一切开见到啲肉一丝丝咁样，配合一点点嘅鱼子酱，有啲海水嘅甜味加上鱼子嘅咸香，仲有烟肉泡泡及烟肉片，口感徘徊在似绵又脆之间，又系一路食一路赞！
Seared Hokkaido Scallop Caviar
9 浏览
0 赞好
0 留言
Seared Hokkaido Scallop Caviar
16 浏览
0 赞好
0 留言
Saffron Tiger Prawn
半身对虾麻麻哋，不过呢两只大虾系用藏红花腌过，经理就话肉质比较creamy，不过我哋一致认为都系超级爽口弹牙多于creamy，而且鲜虾味劲浓郁，旁边嘅藏红花啫喱都好特别
Saffron Tiger Prawn
10 浏览
0 赞好
0 留言
Onsen Egg with Seasonal Fresh Truffles
店员会即场将黑松露削片，喺削之前当然要俾我哋影吓相。一粒来自法国嘅黑松露放喺个玻璃盒入面，配合旁边嘅树叶及树枝，其实影出嚟真系好靓！削咗大概8g落啲杂菇之后，再将鹿儿岛蛋捞匀，口感超滑溜，有厚实嘅坚果及蘑菇香气！
Black truffle
7 浏览
0 赞好
0 留言
Onsen Egg with Seasonal Fresh Truffles
12 浏览
0 赞好
0 留言
Onsen Egg with Seasonal Fresh Truffles
5 浏览
0 赞好
0 留言
Onsen Egg with Seasonal Fresh Truffles
8 浏览
0 赞好
0 留言
Tagliolini with Seasonal Fresh Truffles
Tagliolini简单用牛油汁煮好，将温泉蛋切开，蛋汁缓缓流出，渗透住每一条面条，浓郁嘅蛋香配上黑松露嘅独特香味，令口感非常有层次
Onsen Egg with Seasonal Fresh Truffles
7 浏览
0 赞好
0 留言
Tagliolini with Seasonal Fresh Truffles
6 浏览
0 赞好
0 留言
Tagliolini with Seasonal Fresh Truffles
3 浏览
0 赞好
0 留言
Tagliolini with Seasonal Fresh Truffles
3 浏览
0 赞好
0 留言
Roasted Pork Belly
从来都唔食猪腩肉，不过经理推荐，咁就试吓。不论点瘦嘅猪腩肉当然都系猪腩肉，好在比想像中冇咁肥腻，一层肥膏一层瘦肉咁样，外层香脆，肉质超级松化，软绵绵入口即溶，整体口感徘徊在似脆又软之间，层次非常分明。就算有肥膏，我都忍唔住食晒，肥就肥吧，肥咗都觉得系值得！旁边嘅自家烟椰菜，有微微嘅烧焦香，但不失椰菜嘅鲜甜，咬落仲好juicy
Roasted Pork Belly
10 浏览
0 赞好
0 留言
Roasted Pork Belly
7 浏览
0 赞好
0 留言
USDA Prime Flank Steak
将牛腹肌慢煮，牛味好强，肉质嫩滑好易咬得开；旁边伴碟嘅baby carrot都非常鲜甜；连个薯茸入面都加咗黑松露，好味到晕！
USDA Prime Flank Steak
10 浏览
0 赞好
0 留言
USDA Prime Flank Steak
14 浏览
0 赞好
0 留言
Peanut Butter Chocolate Brownie
其实已经饱到郁唔到，我又唔钟意食朱古力，但老实说成晚食咗咁多道菜无一道有令我失望过，于是我抱住豁出去嘅精神去食呢个朱古力brownie！朱古力味超浓郁，甜度适中，点啲旁边嘅banana mousse一齐食味道好新鲜！讲真，我真系唔钟意食朱古力，但我竟然觉得佢好味......
Peanut Butter Chocolate Brownie
4 浏览
0 赞好
0 留言
未食之前喺度谂，食尽世界3大珍味都只系$888一位，虽然系旗袍请嘅生日饭啫，但如果系呃钱嘅，我都戥你肉赤嘅！但由第一道菜食到最后嘅甜品，一直都感受得到大厨有几用心去煮。每一只碟都系热辣辣，每道菜嘅味道都非常恰当，就连旁边嘅配菜都系咁新鲜咁鲜甜，绝对唔系求其街市买啲菜买啲萝卜返嚟放喺旁边乱咁嚟。$888一位有7个course，我真系一路食一路谂，边有可能咁超值，但事实上，系真系非常超！值！
由食完到而家，都仲反覆回味紧，真系超值，值得我讲100次......
张贴
