財記海鮮火鍋活魚刺身

营业中

休息中

第一次黎食，系老公（以前系男朋友）带我黎食。九年黎，真系黎过无数次，睇住佢由一间变两间铺，就知老细赚唔少啦。以前黎食，觉得d野食唔错，价钱合理，大家睇返d comment, 就见以前既食评，大多系正评。就算疫情期间，有晚市时，我地都黎过几次。可惜，疫情之后，就真系一路咁差落去。以前既小食，你唔食，佢收返，唔洗俾钱，而家就你唔食，佢收返，都照要俾钱，总之就系要赚到尽。其他野食，比以前细左又贵左。好似切肥牛，3年间就加左4成。如果质素一样都算，可惜口感已大不如前，更唔好讲其他野食啦。人情味都系呢间店既特色。老细以前无论你叫几多野食，佢都会行埋黎问下野食点，好唔好，总之笑容极佳，但系而家，无啦。