鳩砌 (已結業)

之前夜晚喺石门行，黎远已经见到有一间萤光牌喺度发光😦个名仲要系叫9砌咁串？所以试下🤣9砌主打就系猪肉汉堡～而且佢都有好多个选择，适合啲平时食惯牛Burger，想转下口味嘅人😂所以佢得烟肉、芝士菇类𠮶啲拣。同埋都有一个Keto包，系完全得肉同菜😌～～～～～～～～～～～～～～～～～～～～💕 芝士猪肉汉堡套餐 配 黄芥辣酱、烧烤酱 $61 (9/10)虽然佢叫9砌但又真系唔系9砌个㖞！佢同平时我食到嘅猪肉汉堡有啲唔同，佢啲猪肉系非常之嫩，口感唔算话好有猪肉嘅味道但好好味！而且佢呢个包都唔细㗎～一个人食完全系足够嘅💛芝士味十足，薯条都系炸得非常之香，个人认为非常之抵食呀👅 🧇9仔包 +$18 (8.5/10)呢个包比佢形容系话有爱喺入边㗎🤣💕味道就有啲似格仔饼嘅，（因为材料都差唔多），但系我觉得比格仔饼好食嘅，因为佢个面冇咁软，即系唔系面包底咁🤫如果跟餐咁样价钱就比较抵，但买就唔算非常之吸引！总结就系，喺石门来讲都算系几难得嘅Burger！而且佢同隔离舖头一齐买，仲会有优惠～不过留意就系佢净系做外卖。