影片
更多
2020-10-08
6453 浏览
9月20日（星期日）晚，4个大人到 Harbour Grand Cafe 食自助晚餐，因为系网上第一次见到有任食海胆就被吸引了，再加上酒店唔系5星级但价钱都唔平，要$728一位（未加一）。上佢地既eShop 买定coupon 有74折都收$610 一位，心信质素应该唔差。主题系海胆，蟹，龙虾。点知海胆好深色，有苦苦地既味道。所以食到尾声仲有大量海胆供应，但又无人排队。刺身虾都大只，但只只都有条好深色既肠，要自己人手挑完虾肠先食得安心。其他刺身就无咩味道好普通。蟹脚每只好幼，食落好重海水味，食完你个口系会好’鞋‘，唔会再食。龙虾即煮，味道一般，胜在即煮即食。生蚝系即开，但size 仲细过件lemon, 食完两只就无再食。熟食无咩特别。最好食竟然系雪糕 Movenpick, 有十几种味道比你拣。食完buffet 过了一日,星期二的零晨4个人陆陆续续又疴又呕，全部中晒肠胃炎，足足病了一星期。第二日通知酒店，有一位经理回覆，话问过晒其他同日食客都无人话有事。跟住我打了一封电邮去酒店投诉，当晚有一位高级经理回覆我，话好重视问题，会尽快调查，但因有几日假期所以需时。经过两星期，高级经理李先生终于回
主题系海胆，蟹，龙虾。
点知海胆好深色，有苦苦地既味道。所以食到尾声仲有大量海胆供应，但又无人排队。
刺身虾都大只，但只只都有条好深色既肠，要自己人手挑完虾肠先食得安心。
其他刺身就无咩味道好普通。
蟹脚每只好幼，食落好重海水味，食完你个口系会好’鞋‘，唔会再食。
龙虾即煮，味道一般，胜在即煮即食。
生蚝系即开，但size 仲细过件lemon, 食完两只就无再食。
熟食无咩特别。
最好食竟然系雪糕 Movenpick, 有十几种味道比你拣。
食完buffet 过了一日,星期二的零晨4个人陆陆续续又疴又呕，全部中晒肠胃炎，足足病了一星期。
第二日通知酒店，有一位经理回覆，话问过晒其他同日食客都无人话有事。跟住我打了一封电邮去酒店投诉，当晚有一位高级经理回覆我，话好重视问题，会尽快调查，但因有几日假期所以需时。
经过两星期，高级经理李先生终于回覆了，又系话 问过晒d食客都无人有事。而食环署亦攞左d食物去化验，但报告话食物完全无问题㖞。
但我要求攞报告睇, 佢话内部文件, 我要求联络食环处负责人，又话私隐问题。
所以我今日打左去食环开file, 希望查到食物质数到底有无问题。
宜家全家人见到刺身都怕，有排都唔会再食buffet, 亦唔希望再有人去呢度食到病🤦🏼♀️
63 浏览
1 赞好
0 留言
42 浏览
0 赞好
0 留言
张贴
