美滋鍋 (家樂坊)

营业中

休息中

系香港任食打边炉我有去过几间，今次试黎自新加坡，主打养颜汤底同牛肉放题既美滋锅。一行入门口只熊仔好吸晴，同埋竟然有个playground俾小朋友玩。呢个位几贴心，我未曾系其他餐厅见过。放题套餐有A-D，4款俾你拣，可以任食澳洲M6+和牛、美国PRIME牛下肩同美国安格斯牛三角。最平价钱系每位$198起，2个钟任食超过一百款火锅配料同野饮无限供应。我地当晚就9:30pm后入座，可以无限时任食任饮到凌晨两点。汤底方面有8款，我地加左$50升级鸳鸯锅，胶原蛋白养颜美容锅 + 特浓沙嗲。胶原蛋白养颜美容锅个汤底浓郁鲜甜，打边炉之前要饮返一碗先得😋野食方面牛舌薄身但好爽口，美国PRIME牛下肩胛肉质坚实有口感，沙白唔算好大粒但鲜甜无沙，花胶好弹牙，要食多啲增加骨胶原，金沙鱼腐超索汁。其他野食就正常发挥啦。