鳴門魚市場居酒屋 (已結業)

系咁既，话说㖊日下昼有人见到杂志介绍 $98海胆饭，二话不说即约饭脚即晚试，虽然鸣门唔系第一间出 $98海胆饭，但本著在家附近不况一排心态去。9点开始入座，8点到达唔见人龙（可能3号先有报导关系啦），但我都唔敢走开，因为每晚限量供应大约60碗，所以决定被罚企一个钟，但到9点都唔系60人可以入晒去架，因为座位有限，排后果d分分钟要等多一个钟，我哋排第5/6就可以先向受，一坐低店员就即刻递上茶，同时会问 ”系咪落咗每人一碗海胆饭先”？呢种贴心服务令我非常赞赏，因为非常期待又非常攰同肚饿… 唔驶一分钟壮观海胆饭就呈上啦！先从海胆讲起，店员会介绍海胆产地，最中间系加大拿，而左右两边系日本同韩国，份量系整碗饭既3份1，饭就占3份2，所以用一啖海胆一啖饭嚟形容都唔夸张，我觉得加拿大海胆最有口感同带点儿苦涩，日本最浓味，而韩国就清淡所以火炙，整体质素系中上，呢个价钱嚟讲我会用超值同大满足嚟形容！其实一碗饭唔系大架，但宵夜嚟讲系有余，所以唔驶叫其他食物，两个人两碗饭埋单 $215，有机会都想再食，供应期到11月尾咋！