魂 (已搬遷) 新店位置

今日同男朋友试食魂。三点左右去到，入面得两个食客，唔洗排队。我嗌左墨鱼汁拉面，男朋友嗌蕃茄辣拉面。墨鱼汁拉面配蟹膏，蟹膏唔错。拉面嘅蛋都几流心，但系冇调味嘅。墨鱼汁仲未同汤完全捞埋，记得捞好再食。墨鱼味偏淡，不过应该少啲味精，感觉几天然。个汤可以浓少少。蕃茄拉面，蕃茄味唔系好突出，一食落去可能会觉得好辣，但食多几啖都接受到。个面配三文鱼，三文鱼得好少而且都几咸。仲有个面同叉烧都几少。枱面杯水好似放左好耐。值得赞系个拉面造型几靓。