影片
更多
2019-07-29
488 浏览
我其实唔算系甜品爱好者，系心情低落时或者有压力嘅时候会想食少少。而对于甜品嘅喜好比较单一，只系钟情焦糖味嘅任何甜品。今日经过大王东街，见到呢间雪白亮眼嘅舖头，无多余嘅装潢，简约欧式设计风格，以灰白为主，配以巴黎铁塔，花艺等小摆设，简单美。讲翻主角，基本上主打一种名为 Dacquoise 嘅甜点。职员介绍呢款甜点其实系macaron 嘅姊妹，同样以杏仁做出松脆嘅外层，不同之处在于dacquoise 系外层较厚身，而最特别嘅地方系佢内层系软绵绵，有d似日式轻蛋糕嘅质地，但又唔系蛋糕咁黏稠，系外脆内软，充满空气感嘅质地。呢款甜点嘅外层已经令我好惊喜，估唔到入面嘅cream 一样咁高品质。我试咗两款口味，分别系brown sugar mochi同 mixed berries。无焦糖可选，所以我拣咗brown sugar，食落去简直系惊为天人！brown sugar 绝对唔系死甜，系食得出有brown sugar 嘅香味，cream 因为雪过嘅关系，口感实浄，好似食雪糕咁，中间有粒原味麻糬，正好中和 brown sugar 嘅甜，好好食！之后我忍唔住即刻再开埋件mixed berries，个cr
今日经过大王东街，见到呢间雪白亮眼嘅舖头，无多余嘅装潢，简约欧式设计风格，以灰白为主，配以巴黎铁塔，花艺等小摆设，简单美。
讲翻主角，基本上主打一种名为 Dacquoise 嘅甜点。职员介绍呢款甜点其实系macaron 嘅姊妹，同样以杏仁做出松脆嘅外层，不同之处在于dacquoise 系外层较厚身，而最特别嘅地方系佢内层系软绵绵，有d似日式轻蛋糕嘅质地，但又唔系蛋糕咁黏稠，系外脆内软，充满空气感嘅质地。呢款甜点嘅外层已经令我好惊喜，估唔到入面嘅cream 一样咁高品质。
我试咗两款口味，分别系brown sugar mochi同 mixed berries。
无焦糖可选，所以我拣咗brown sugar，食落去简直系惊为天人！brown sugar 绝对唔系死甜，系食得出有brown sugar 嘅香味，cream 因为雪过嘅关系，口感实浄，好似食雪糕咁，中间有粒原味麻糬，正好中和 brown sugar 嘅甜，好好食！
之后我忍唔住即刻再开埋件mixed berries，个cream 同样出色，有啖啖莓味，而且系真水果嘅香甜而唔系食用水果化学剂嘅味。个人觉得如果先食mixed berries 再食brown sugar， 味道由淡去浓会更能享受两款口味！我下次会再留意一下！
100分入面我会俾99分，差一分究竟系d乜呢？我觉得系店舖实在太早关门，食完饭过嚟已经关门，买完先去食饭又怕d cream 会溶。好彩职员都俾几包干冰我，等我可以顺利带翻屋企，同屋企人分享咁好食嘅甜品！
张贴
