影片
更多
2018-06-09
51 浏览
呢晚黎到Bistroholic，为左试佢地个Tasting Menu。之前系$780 2位，咁桥今次谂住黎试就岩岩今晚转左餐牌，而且贵左少少$820 2位，都试下啦，因为上次食完佢个A La Carte menu实在太惊艳！一直心挂挂！环境细细，好似食私房菜咁。A La Carte menu一啲都唔平，上次我地食左一个沙律，一碟意粉，一碟慢煮猪已经6百几。点解上次无叫餐？因为Tasting Menu无signature Smoked Salad。今次叫餐有面包跟埋，佢话系自家制面包，而今次呢个系桂圆红枣面包。烤过先拎出黎，热辣辣，个包甜甜地，配埋个自家制蕃茄紫薯酱，好好食呀！前菜有沙律，个名好长：冷渍茶叶鹌鹑蛋配炭烤蜂蜜腌火腿拌柠檬干葱些厘醋沙律。超好食！所有材料放埋一齐系夹既，茶叶鹌鹑蛋有茶味又够入味，最得系个沙律醋，自家调配，每条菜都被沙律醋包住，食得出厨师既用心！呢个厨师整沙律真系有一手既！侍应仲话佢地用既系有机菜，所以啲菜特别新鲜！另一个前菜系：烧烤油封章鱼配炸南瓜粟米糕拌青柠香茅塔塔酱。章鱼须煮得尚算软身，调味调得岩岩好，上面既火箭菜好新鲜好浓味，就咁食都好好食。塔塔酱食得出
环境细细，好似食私房菜咁。
A La Carte menu一啲都唔平，上次我地食左一个沙律，一碟意粉，一碟慢煮猪已经6百几。点解上次无叫餐？因为Tasting Menu无signature Smoked Salad。
今次叫餐有面包跟埋，佢话系自家制面包，而今次呢个系桂圆红枣面包。烤过先拎出黎，热辣辣，个包甜甜地，配埋个自家制蕃茄紫薯酱，好好食呀！
前菜有沙律，个名好长：冷渍茶叶鹌鹑蛋配炭烤蜂蜜腌火腿拌柠檬干葱些厘醋沙律。超好食！所有材料放埋一齐系夹既，茶叶鹌鹑蛋有茶味又够入味，最得系个沙律醋，自家调配，每条菜都被沙律醋包住，食得出厨师既用心！呢个厨师整沙律真系有一手既！侍应仲话佢地用既系有机菜，所以啲菜特别新鲜！
冷渍茶叶鹌鹑蛋配炭烤蜂蜜腌火腿拌柠檬干葱些厘醋沙律
0 浏览
0 赞好
0 留言
另一个前菜系：烧烤油封章鱼配炸南瓜粟米糕拌青柠香茅塔塔酱。章鱼须煮得尚算软身，调味调得岩岩好，上面既火箭菜好新鲜好浓味，就咁食都好好食。塔塔酱食得出系自家调配，真系食到淡淡既香茅味！
之后系是日餐汤：甜椒蕃茄汤。两者味道好平均，但普通左啲，算合格既。
烧烤油封章鱼配炸南瓜粟米糕拌青柠香茅塔塔酱/甜椒蕃茄汤
0 浏览
0 赞好
0 留言
其中一个主菜系：手撕鸭腿肉酱扁平面。好普通，普通到有啲失望。同上次个碟意粉真系无得比（等等先再讲好食个碟）。
手撕鸭腿肉酱扁平面
0 浏览
0 赞好
0 留言
另一主菜系：啤酒炖猪脸颊配波罗门参芹菜泥。猪肉炖得够淋，入哂味，好味既。连拌碟既菜都用心煮过！我地食到一件不漏。
啤酒炖猪脸颊配波罗门参芹菜泥
0 浏览
0 赞好
0 留言
最后有两个甜品：Chocolate Brownie & Traditional Tiramisu。个Brownie真系好普通，唔算好食。我对Tiramisu本来充满期待，因为上一次佢话自已个Tiramisu整得好好食，但可惜唔系我杯茶。
Chocolate brownies / Tranditional Tiramisu
1 浏览
0 赞好
0 留言
个Tasting Menu真系令我有啲失望既.....明明上次散叫真系好有惊喜，3样都好好食.....
首先呢个烟熏沙律，用左苹果木既烟烟熏住出嚟，系你面前打开个刻真系好香。食既时候，无论食菜定猪肉定风干菠萝，每一啖都充满住苹果木烟熏嘅香味！菜又新鲜，沙律汁又好味，总之真系好好味，食完心花怒放！
Fresh Smoked Confit Matsusaka Pork Salad with Home Dried Fruit and Mixed Nut
$138
5 浏览
0 赞好
0 留言
呢个老虎虾台湾椒意粉，个意粉汁整得好好食，虾够鲜甜，配上台湾辣椒酸酸辣辣，真系好特别好好食，好难得！
另外呢碟慢煮猪亦系高质素之作，成碟菜砌得好靓，块猪慢煮完再煎香左表面先上碟，好淋好香口！直头有5星级酒店既水准！
0 浏览
0 赞好
0 留言
怀住满满期待再次光顾，试佢地既Tasting Menu，侍应话因为A La Carte Menu 4,5个月先转一次，老板为左食客带黎新鲜感，就设计左每月转一次既Tasting Menu，但食完今次呢个Tasting Menu真系有啲失望....
呢间餐厅晚餐时间人唔多，坐得舒服既，服务好好，但价钱就一啲都唔平，下次都系食番A La Carte Menu好了。真系好好食！
张贴
