影片
更多
2012-03-10
34 浏览
12月5日, 我们的123周月快乐~ *O* 一直知道北角有间AGE专食dry-aged牛扒, 不过就良久都未抽到时间去试… 今晚谂住喺鲗鱼涌附近食饭, 竟然又揾到佢新开嘅分店! 藏身工厦嘅新店名字后面追加咗cuisine express二字, 摆到明主打快餐外卖生意多~ 都expect咗佢唔系好似主店咁fine dining, 但估唔到佢呢到装修都算唔错~ 可能因为新开张, 环境仲保持到干净企理, 墙色同灯光暗暗地加埋d圣诞装饰又几有情调~::: 珍宝蟹脆蟹饼 伴粟米莎莎 :: $68实在系有少少比佢个名搞到误会咗… 以为个蟹饼系jumbo size… 嚟到发现佢系分成三小个, 每个蟹饼底部有片沙律菜, 上面放上少少粟米莎莎, 虽然比想像中细件但卖相不失精致. 而且蟹饼确实真材实料~ 香脆外层入面包住啖啖蟹肉~ 伴埋香甜嘅粟米莎莎酱更显蟹肉鲜味!::: 磨菇, 风干火腿薄饼 9” ::: $108薄饼系传统意大利薄饼, 批底厚薄适中而且烤得香脆~ 馅料有蕃茄酱、蒜片、水牛芝士、磨菇、巴马火腿片、黑松露酱, 本身仲有因为我地唔食所以走咗芝麻菜. 薄饼一上台已经闻到薄薄黑松露香, 佢地d
一直知道北角有间AGE专食dry-aged牛扒, 不过就良久都未抽到时间去试… 今晚谂住喺鲗鱼涌附近食饭, 竟然又揾到佢新开嘅分店! 藏身工厦嘅新店名字后面追加咗cuisine express二字, 摆到明主打快餐外卖生意多~ 都expect咗佢唔系好似主店咁fine dining, 但估唔到佢呢到装修都算唔错~ 可能因为新开张, 环境仲保持到干净企理, 墙色同灯光暗暗地加埋d圣诞装饰又几有情调~
::: 珍宝蟹脆蟹饼 伴粟米莎莎 :: $68实在系有少少比佢个名搞到误会咗… 以为个蟹饼系jumbo size… 嚟到发现佢系分成三小个, 每个蟹饼底部有片沙律菜, 上面放上少少粟米莎莎, 虽然比想像中细件但卖相不失精致. 而且蟹饼确实真材实料~ 香脆外层入面包住啖啖蟹肉~ 伴埋香甜嘅粟米莎莎酱更显蟹肉鲜味!
::: 磨菇, 风干火腿薄饼 9” ::: $108薄饼系传统意大利薄饼, 批底厚薄适中而且烤得香脆~ 馅料有蕃茄酱、蒜片、水牛芝士、磨菇、巴马火腿片、黑松露酱, 本身仲有因为我地唔食所以走咗芝麻菜. 薄饼一上台已经闻到薄薄黑松露香, 佢地d蕃茄酱唔知系咪自家制, 感觉上好似唔够一般茄酱浓, 但就有阵蕃茄嘅自然清甜味. 蒜片、芝士同巴马火腿负责带出咸香, 表现恰如其分~ 成个薄饼味道丰富但唔会好腻~ 不错!
::: 香草红酒慢烩和牛面颊肉伴意大利饭 ::: $128呢度话晒都系AGE嘅分支店, 试唔到dry-aged牛起码都要试下个slow cook牛丫~ 仲要系和牛面颊添! 净系个名都觉得矜贵过人~ 又估唔到呢个价钱d份量都唔少㖞! 和牛面颊都几多旧, 口感其实似炆到淋晒嘅牛腩. 不过可能因为牛面颊半身唔多脂肪, 所以唔算十分嫩滑, 不过牛味几浓~ 放喺牛肉下面嘅意大利饭煮得正宗有咬口, 加上索咗d牛汁, 好好味~
::: 自家制意式芝士饼 ::: $48去到边都要试下d tiramisu嘅呀菲闻说呢度嘅出品都唔错~ 当然又叫咗嚟试! 不过我明明系堂食但个tiramisu都系用d胶兜装住感觉就有d唔环保. 味道方面芝士味道都几香甜~ 不过我就嫌底d ladyfingers无乜咖啡酒味, 有少少美中不足咁啦~
可能佢仲系新, 今日平日夜晚除咗我地之外就净系得1枱客~ 环境超静, 好似比我地包咗场咁. 侍应态度都几有礼貌, 不过就因为我地坐咗入房所以成日都叫唔到人嚟咁, 下下都要嗌出去叫人, 但有次嗌完先发现有侍应企喺附近… (劲失礼…) 整体食物系真系几好味, 有机会会再嚟食~ 或者试埋北角嘅总店!
张贴
