影片
更多
2018-11-19
71 浏览
朋友M本来book左cwb某素食餐厅同我提早庆祝生日，不过后来发现间餐厅只可以比我地坐1.5小时，佢上次试过真系够钟就被人赶走，连叫左既甜品都要好急咁食完即刻起身！今晚我地唔系想咁赶㖞，所以就决定转场，朋友M拣左呢间有好多好评既阿麦厨房。我几钟意帮衬加路连山道附近既食肆，呢个范围好似同cwb闹市感觉好大分别，适合放工之后轻松倾下计。餐牌系需要少少时间学睇架，因为佢一面系主菜同甜品，另一面系前菜同汤，其实系成个full set dinner黎既，只系种类比较多所以分开左黎写。凯撒沙律系对版既，有齐爽脆既生菜、烟肉粒、面包粒、少量芝士碎同埋Caesar dressing，系一个fresh start。汤可以拣青豆汤或者罗宋汤，我一直都唔系pea soup既fans，觉得佢太腻同太饱，所以拣左后者。配料甘笋、洋葱、番茄、西芹等等系切粒架，感觉几可爱，亦都唔会饮到拖住条菜咁样 XD配汤既蒜蓉包正正常常。主菜我地叫左两个share，一个系牛肝菌意大利饭，另一个系pork spare ribs。牛肝菌意大利饭好够味，牛肝菌味浓，有一条条既牛肝菌混入d饭度，饭粒硬度偏硬少少不过都仍然系讨好既硬度，中
我几钟意帮衬加路连山道附近既食肆，呢个范围好似同cwb闹市感觉好大分别，适合放工之后轻松倾下计。
餐牌系需要少少时间学睇架，因为佢一面系主菜同甜品，另一面系前菜同汤，其实系成个full set dinner黎既，只系种类比较多所以分开左黎写。
凯撒沙律系对版既，有齐爽脆既生菜、烟肉粒、面包粒、少量芝士碎同埋Caesar dressing，系一个fresh start。
汤可以拣青豆汤或者罗宋汤，我一直都唔系pea soup既fans，觉得佢太腻同太饱，所以拣左后者。配料甘笋、洋葱、番茄、西芹等等系切粒架，感觉几可爱，亦都唔会饮到拖住条菜咁样 XD
配汤既蒜蓉包正正常常。
主菜我地叫左两个share，一个系牛肝菌意大利饭，另一个系pork spare ribs。牛肝菌意大利饭好够味，牛肝菌味浓，有一条条既牛肝菌混入d饭度，饭粒硬度偏硬少少不过都仍然系讨好既硬度，中间夹杂左少少法国豆。
另一个主菜系pork spare ribs配薯条~~条ribs好长呀!!可以切到大约10-12条，不过肉少骨多，所以食既时候都有少少轮尽，用叉叉完就冇哂肉，但系唔叉住又切唔到，我最后决定用手食dinner set有配一杯饮品，都有唔少特别既野饮选择，我同朋友都拣左iced peach tea，茶味同桃味平衡得唔错，又唔会太甜，值得一赞。
最后我地倾左成两个几钟先走，人地都差唔多关门，好彩拣左呢度，可以慢慢坐，慢慢食。
由于我地已经决定左去隔离街食甜品，所以冇留意呢度有冇甜品供应。
张贴
