影片
更多
2024-08-10
2240 浏览
❗️非常之差嘅用餐体验 A very horrible experience ❗️第一次俾差评，fine dining价钱但换来嘅系大排档气氛同一肚气。首先餐厅环境比想像中狭窄，但唔紧要，因为之前去过啲家庭式经营嘅法国菜馆都系格局虽小但五脏俱全，只要用心经营都可以有cozy嘅感觉。但可惜今晚去到环境之嘈杂系好似去咗街市/大排档，有一枱食客大声倾偈大声笑，嘈到我听唔到同行友人讲紧咩。无夸张，隔离枱有位女士都感到非常不满，同主厨反映后换嚟一句 「因为佢哋包咗corner位」。唔通因为咁，corner出面重有三枱客就奉旨要忍受呢种燥音？无论主厨定侍应都无打算帮忙叫果枱corner客细声少少，令到成餐饭感觉十分之差。其次服务欠奉。一到步并无人接待，要等一阵先有人理。今晚全场有四枱客人，只见主厨有同其余三枱客人稍作闲聊，询问下用餐体验，但唯独无同过我呢枱讲一句说话。讲真有啲不解，莫非因为我同友人望落年轻，意见就唔重要唔需要听纳？先前提到隔离枱位女士对主厨反映咗对噪音嘅不满，之后见主厨都有尝试补下镬，主动打灯帮该女士影生日合照。反观我同友人同样系庆祝生日，就完全无呢种待遇😂要问侍应先有帮手合照，至于主
第一次俾差评，fine dining价钱但换来嘅系大排档气氛同一肚气。
首先餐厅环境比想像中狭窄，但唔紧要，因为之前去过啲家庭式经营嘅法国菜馆都系格局虽小但五脏俱全，只要用心经营都可以有cozy嘅感觉。但可惜今晚去到环境之嘈杂系好似去咗街市/大排档，有一枱食客大声倾偈大声笑，嘈到我听唔到同行友人讲紧咩。无夸张，隔离枱有位女士都感到非常不满，同主厨反映后换嚟一句 「因为佢哋包咗corner位」。唔通因为咁，corner出面重有三枱客就奉旨要忍受呢种燥音？无论主厨定侍应都无打算帮忙叫果枱corner客细声少少，令到成餐饭感觉十分之差。
其次服务欠奉。一到步并无人接待，要等一阵先有人理。今晚全场有四枱客人，只见主厨有同其余三枱客人稍作闲聊，询问下用餐体验，但唯独无同过我呢枱讲一句说话。讲真有啲不解，莫非因为我同友人望落年轻，意见就唔重要唔需要听纳？先前提到隔离枱位女士对主厨反映咗对噪音嘅不满，之后见主厨都有尝试补下镬，主动打灯帮该女士影生日合照。反观我同友人同样系庆祝生日，就完全无呢种待遇😂要问侍应先有帮手合照，至于主厨都系一句说话都无同我哋讲过。
本身选择呢间餐厅为友人庆生，全因小店经营，见多间媒体报导主厨年纪轻轻创业，非常有心有力，我哋都想俾啲支持，同埋试下名物威灵顿牛柳。讲真味道卖相都正常，系可以一试，但呢个环境呢个服务，呢个价钱系咪值得？
我同友人都表示唔会再Encore。
埋单连加一，$1700，有图有单有真相。如果餐厅见到呢个评论，希望你哋可以真心反省改善，果枱corner客嘅无教养，唔应该系由其他花费同样价钱时间嘅客人去承受。
15 浏览
0 赞好
0 留言
14 浏览
0 赞好
0 留言
44 浏览
0 赞好
0 留言
张贴
