影片
更多
2018-05-22
6155 浏览
友人向来爱吃自助餐，尤其是以龙虾及海鲜做主题的 buffet，更是百吃不厌。讲真，近年夜晚食自助餐愈来愈贵，每位收费动辄五、六百蚊，确实令人有点却步。不过最近友人喺港岛太平洋酒店内的「中西．环」餐厅，尝了一顿唔错嘅自助晚餐，回来后向我极力推介，说场内不但有冰镇海鲜同多款即切刺身提供，而且更以「泰式风味」为主题，有泰式咖喱炒蟹、魔鬼鱼、南瓜海鲜青咖喱意大利饭、榴梿斑兰西米糕等多款泰菜供应，最重要嘅系价钱唔贵，星期日至四成人 $398，周末、公众假及前夕成人 $438，而网上预订更享七折。哗！咁多野食，而且价钱仲咁吸引，一于趁假期前夕，两口子去叹番晚。餐厅嘅环境真系唔错，尤其是窗边的座位，景观一流！自助晚餐供应时间，由晚上 6:15pm - 9:30pm，到埗后，立即出去外面吧台看看。先由我最爱的海鲜区出发，冰镇海鲜款式劲多，有翡翠螺、鳕场蟹脚、蓝青口、波士顿龙虾、面包蟹、蚬只、大虾等，而且全部都摆放得整齐有序。拿了一大碟埋位，咁多款海鲜之中，个人最欣赏就是龙虾，膏量极多，食落肉质弹牙鲜甜；而面包蟹水准亦不俗，蟹肉结实清甜、蟹膏满载，加上全部海鲜都 refill 得好快，抵赞！冷盘方面，选
不过最近友人喺港岛太平洋酒店内的「中西．环」餐厅，尝了一顿唔错嘅自助晚餐，回来后向我极力推介，说场内不但有冰镇海鲜同多款即切刺身提供，而且更以「泰式风味」为主题，有泰式咖喱炒蟹、魔鬼鱼、南瓜海鲜青咖喱意大利饭、榴梿斑兰西米糕等多款泰菜供应，最重要嘅系价钱唔贵，星期日至四成人 $398，周末、公众假及前夕成人 $438，而网上预订更享七折。哗！咁多野食，而且价钱仲咁吸引，一于趁假期前夕，两口子去叹番晚。
餐厅嘅环境真系唔错，尤其是窗边的座位，景观一流！
自助晚餐供应时间，由晚上 6:15pm - 9:30pm，到埗后，立即出去外面吧台看看。先由我最爱的海鲜区出发，冰镇海鲜款式劲多，有翡翠螺、鳕场蟹脚、蓝青口、波士顿龙虾、面包蟹、蚬只、大虾等，而且全部都摆放得整齐有序。拿了一大碟埋位，咁多款海鲜之中，个人最欣赏就是龙虾，膏量极多，食落肉质弹牙鲜甜；而面包蟹水准亦不俗，蟹肉结实清甜、蟹膏满载，加上全部海鲜都 refill 得好快，抵赞！
冷盘方面，选择不多，但整体味道都算唔错，烟三文鱼几有水准，油润大件，少少地，当过下口瘾都 okay。海鲜隔离系沙律吧，沙律嘅阵容虽然唔算得话好鼎盛，但可以自由配搭，再加酱汁；呢度除了有爽脆的沙律菜外，仲有红萝卜丝、粟米粒、车厘茄、冷面、泰式凤爪等，夹埋一齐食都几醒胃。
至于刺身同寿司方面，就有三文鱼、吞拿鱼、希灵鱼、八爪鱼、油甘鱼同两款卷物，选择虽然唔算多，但三文鱼非常鲜美，肉质细嫩，加上够厚切，极具口感。不过由于想留肚吃热盆，所以只浅尝了一转。
热盘方面，由于这晚的主题是「泰式风味」，所以决定先攻泰菜。先吃泰式海南鸡饭，鸡肉据说用咗香茅、南姜和柠檬叶水等烹调，食落肉质好滑溜，而饭就选用泰国米，饭粒入口烟韧有米香，记得要配埋黑豉油、辣椒酱同姜茸一起吃，更加有风味。
钟意食蟹的朋友，呢款泰式咖喱炒蟹就绝对唔可以错过，新鲜肉蟹先以自家制泰式黄咖喱加入洋葱、辣椒、香茅、芹菜和香葱爆炒，再加绍兴酒提味，最后混入鲜奶及鸡蛋快炒。睇下只蟹钳极大只，至于入面的蟹肉，质地细嫩肥美，与浓郁的咖喱酱汁，味道非常匹配，香辣惹味！
呢款系泰式蕉叶烧魔鬼鱼，魔鬼鱼先涂上参巴辣酱，再用香茅、辣椒等香料以蕉叶包好，慢烤至金黄色，没想到原来这道魔鬼嘅肉质咁滑溜鲜甜，入口带微微甜酸，加上蕉叶香和炭香，很有泰国风味。
呢款系明炉生鱼，鱼肉肉质嫩滑，味道鲜甜，食落完全无鱼腥味。
至于其他热盘就仲有泰式青咖喱鸡、烧原只南瓜海鲜青咖喱意大利饭、红咖喱鸭、泰式鱼饼、泰式炒金边粉、泰式咸鱼炒芥兰、烧牛肉等，风味各具特色。咁多款之中，要特别推介当中嘅意大利饭，用料十分上乘，由龙虾、螃蟹、海虾、青口、带子及翡翠螺等多款海鲜材料炮制而成，入口鲜甜味美，值得一试。
如果仲有食力嘅话，建议大家试下泰式红虾冬荫功，红虾非常大只，分量十足，配上以南姜、香茅、红辣椒、鱼露、柠檬叶、青柠及椰糖等熬成的冬荫功汤头，味道酸辣醒胃。
又到甜品时间，先让大家一看阵容，芒果鸳鸯糯米饭分量唔多，小巧的骰，芒果入口甜丝丝，食多几碟都唔怕滞。另外泰式榴梿斑兰西米糕亦做得好有水准，榴梿味浓郁甘甜，斑兰味十分清香，味道夹配。
鸡蛋仔系另一个绝对唔可以错过嘅 Item，即叫即做，热辣辣，香脆可口，用嚟配雪糕吃，简直一流，而且仲可以拣原味或士多啤梨味。
另一款一定要推介的甜品就系自制珍多冰，先铺碎冰，再加入凉粉、三色粉条，芒果肉，笔者馋嘴，连隔离台用来蘸朱古力喷泉的草莓也一并加进去，色彩缤纷夺目，入口清甜，冰凉透心。 
几饱都要记得留肚食雪糕，有 Mövenpick 和雀巢。至于水果方面，啲花款多到数都数唔晒，有莲雾、木瓜、番石榴、大树菠萝、橙、桃、沙田柚、香蕉、苹果、哈密瓜等，真系净食生果都可以食饱。用 $319 就可以吃到这顿晚市自助餐，真系非常超值。顺带一提，今期的「泰式风味海鲜」主题只供应到 5 月 31 日，想食就要快手，唔知下一期又会用乜嘢做主题呢？好期待啊！
张贴
